Video
Read full review
2021-09-09
60 views
第一次同男朋友食法國菜，慶祝紀念日。呢間野要提早book定位，佢會介紹當日嘅菜式，係book位嘅時候落單。好鍾意呢度嘅環境，超級寧靜，而且真係可以慢慢享受晚餐，慢慢傾偈。真係覺得book啱餐廳慶祝周年紀念日。以下係我哋嗌嘅菜式。辣肉腸沙律沙律菜配上橄欖、黑醋、辣肉腸，估唔到辣肉腸個味同黑醋都夾到。清新得來有少少鹹香。白酒牛油汁煮蜆呢個簡直係驚喜，白酒牛油汁嘅奶油香配搭上新鮮嘅蜆，再加上香草，好足鮮味。我忍唔住飲咗幾啖牛油汁，不過真係好肥。食到我舔舔脷。我覺得佢同餐包會好夾，好可惜我食完先諗起呢樣野。龍蝦湯依家龍蝦湯絕對係我飲過最好飲嘅龍蝦湯。係會忍唔住一啖有一啖咁飲！佢嘅龍蝦味好出，有浸又香又鮮嘅味道。我飲過好多唔同地方嘅龍蝦湯，個感覺都好化學。黑毛豬扒、燒春雞呢兩個主菜淨係伴碟都好吸引。佢煮得個肉質好好，味道都唔差。心太軟、朱古力慕絲朱古力味勁濃，唔會太甜，真係好怕太甜嘅甜品，呢兩款朱古力甜品就啱啱好！總括而言，我哋兩個人都好滿足，食咗兩三個鐘，渡過左愉快嘅一晚。🥰
好鍾意呢度嘅環境，超級寧靜，而且真係可以慢慢享受晚餐，慢慢傾偈。真係覺得book啱餐廳慶祝周年紀念日。
以下係我哋嗌嘅菜式。
辣肉腸沙律
沙律菜配上橄欖、黑醋、辣肉腸，估唔到辣肉腸個味同黑醋都夾到。清新得來有少少鹹香。
白酒牛油汁煮蜆
呢個簡直係驚喜，白酒牛油汁嘅奶油香配搭上新鮮嘅蜆，再加上香草，好足鮮味。我忍唔住飲咗幾啖牛油汁，不過真係好肥。食到我舔舔脷。我覺得佢同餐包會好夾，好可惜我食完先諗起呢樣野。
龍蝦湯
依家龍蝦湯絕對係我飲過最好飲嘅龍蝦湯。係會忍唔住一啖有一啖咁飲！佢嘅龍蝦味好出，有浸又香又鮮嘅味道。我飲過好多唔同地方嘅龍蝦湯，個感覺都好化學。
黑毛豬扒、燒春雞
呢兩個主菜淨係伴碟都好吸引。佢煮得個肉質好好，味道都唔差。
心太軟、朱古力慕絲
朱古力味勁濃，唔會太甜，真係好怕太甜嘅甜品，呢兩款朱古力甜品就啱啱好！
總括而言，我哋兩個人都好滿足，食咗兩三個鐘，渡過左愉快嘅一晚。🥰
Post
