Video
Read full review
2024-11-10
175 views
放假約朋友出嚟傾下計，去咗佢屋企附近嘅商場啟岸，揀咗一間叫茶閒裡的餐廳，外觀係文清格局嘅cafe店，看看餐牌，原來主打中式茶飲。朋友知我鍾意飲茶，特別揀呢間餐廳嘅，價錢唔算平，但一兩靚茶葉確實係有價有市，就認真品嚐一下啦🥰⭐安吉白茶朋友點咗一壺冰嘅安吉白茶，賣相高質優雅，入口帶有花香，口腔漸漸散發出綠茶嘅清香味，清潤甘甜。⭐蜜香紅烏龍自己就揀咗熱嘅蜜香烏龍茶，茶色係金黃色好靚，一倒出嚟已經聞到茶香，入口有少少甜甜哋嘅感覺，茶香回甘，真係令人想一飲咗飲😍⭐白蘑菇雞髀肉套餐除咗嚟飲茶，午餐都喺呢度解決，揀咗健康系列嘅白蘑菇雞髀肉套餐，另外配選小炒香乾、三色素小炒同雜糧飯。餐盒上面都有寫明卡路里、蛋白質等有幾多，方便計算每日攝取量。健康餐雖然係少鹽少油少甜調味，但味道一啲都唔差，雞肉嫩滑香口，蘑菇多汁鮮味，加上雜糧飯有咬口，真係幾正㗎。⭐粵色豉汁蒸肋排套餐朋友同樣點咗健康系列，佢就揀咗粵式豉汁蒸肋排，另配粟米蒸水蛋、清炒廣東菜心同營養白米飯，賣相真係唔差，排骨鹹鹹地有豉椒香，撈飯一流呀。⭐糯香普洱午餐有餐飲送嘅，揀咗一杯熱一杯凍嘅糯香普洱，顧名思義普洱茶中散發著糯米香，確實係一杯好茶。⭐焙茶
朋友知我鍾意飲茶，特別揀呢間餐廳嘅，價錢唔算平，但一兩靚茶葉確實係有價有市，就認真品嚐一下啦🥰
⭐安吉白茶朋友點咗一壺冰嘅安吉白茶，賣相高質優雅，入口帶有花香，口腔漸漸散發出綠茶嘅清香味，清潤甘甜。
⭐蜜香紅烏龍自己就揀咗熱嘅蜜香烏龍茶，茶色係金黃色好靚，一倒出嚟已經聞到茶香，入口有少少甜甜哋嘅感覺，茶香回甘，真係令人想一飲咗飲😍
⭐白蘑菇雞髀肉套餐除咗嚟飲茶，午餐都喺呢度解決，揀咗健康系列嘅白蘑菇雞髀肉套餐，另外配選小炒香乾、三色素小炒同雜糧飯。餐盒上面都有寫明卡路里、蛋白質等有幾多，方便計算每日攝取量。健康餐雖然係少鹽少油少甜調味，但味道一啲都唔差，雞肉嫩滑香口，蘑菇多汁鮮味，加上雜糧飯有咬口，真係幾正㗎。
⭐粵色豉汁蒸肋排套餐朋友同樣點咗健康系列，佢就揀咗粵式豉汁蒸肋排，另配粟米蒸水蛋、清炒廣東菜心同營養白米飯，賣相真係唔差，排骨鹹鹹地有豉椒香，撈飯一流呀。
⭐糯香普洱午餐有餐飲送嘅，揀咗一杯熱一杯凍嘅糯香普洱，顧名思義普洱茶中散發著糯米香，確實係一杯好茶。
⭐焙茶芝士蛋糕 & ⭐朱古力mini林明頓坐咗咁耐，決定追加甜品一下，揀咗焙茶芝士蛋糕，另外朋友就揀咗朱古力蛋糕。焙茶芝士蛋糕有驚喜，入口係茶香味，同時間芝士味亦好濃郁，兩者平衡做得好好，又香又滑勁好食，配上紅烏龍茶真係好夾。朋友嘅朱古力林明頓都好正，朱古力味極濃，入面有薄脆椰絲等口感十足，試完一件，真係有興趣試埋淨返嗰幾款口味添。
邊嘆茶邊傾計，人生一大樂事也。
Post
