Video
Read full review
2018-07-10
1928 views
話說近排返工忙到狗彩，幾乎無自己私人時間可言，都係時間要捉返d水桶友出黎，邊食好西邊大吐下苦水。偶爾經過Urban Coffee Roaster時，都會俾佢嘅門面吸引，唔係因為佢有華麗嘅裝潢，而係因為係澄黃和暖嘅燈光映照下，有種夕陽西下可以入內忙裡偷閒嘅感覺，今次因爲約左朋友，所以突登book定先，事關佢地整日都Full House!朋友嘴叼開，交俾佢拍板實無死，同埋姐放工後之係淨返講野嘅能力，無任何嘅思考能力。非常驚喜嘅一道前菜！事關我非常唔鐘意牛油陣味同口感，而且雞胸肉好乾，如果唔係朋友錯有錯著叫中咗，我係絕對唔會簡佢！紅酒酒醋汁幫呢道菜加分不少，事開香濃嘅醬汁緩減左牛油果獨道嘅味，令到佢配落沙律唔會太搶。唔知係咪用慢煮方式煮雞胸嘅關係，肉比平時食開嘅較嫩身。咁多樣材料配合下，0違和感，而醋酸甜酸甜，非常醒胃！一睇個菜名就覺得個配搭非常新奇，軟殼蟹就食得多，但包生菜 同 咖哩味蛋黃醬就真心未試過。發現廚有貼心嘅地方，事關炸野非常易上火，都易柴，淋上咖哩蛋黃醬嘅炸蟹用生菜嚟包住，口感豐富左之餘，仲減少左油膩感。身為窮L會員，大大隻龍蝦擺係面前，唔小心嘩左一聲，而粒粒嘅意大利飯俾濃稠嘅
偶爾經過Urban Coffee Roaster時，都會俾佢嘅門面吸引，唔係因為佢有華麗嘅裝潢，而係因為係澄黃和暖嘅燈光映照下，有種夕陽西下可以入內忙裡偷閒嘅感覺，今次因爲約左朋友，所以突登book定先，事關佢地整日都Full House!
朋友嘴叼開，交俾佢拍板實無死，同埋姐放工後之係淨返講野嘅能力，無任何嘅思考能力。
慢煮雞胸牛油果藜麥沙律 配 紅酒酒醋汁
$108
54 views
0 likes
0 comments
非常驚喜嘅一道前菜！事關我非常唔鐘意牛油陣味同口感，而且雞胸肉好乾，如果唔係朋友錯有錯著叫中咗，我係絕對唔會簡佢！紅酒酒醋汁幫呢道菜加分不少，事開香濃嘅醬汁緩減左牛油果獨道嘅味，令到佢配落沙律唔會太搶。唔知係咪用慢煮方式煮雞胸嘅關係，肉比平時食開嘅較嫩身。咁多樣材料配合下，0違和感，而醋酸甜酸甜，非常醒胃！
軟殼蟹生菜包配咖哩蛋黃醬
$98
30 views
0 likes
0 comments
一睇個菜名就覺得個配搭非常新奇，軟殼蟹就食得多，但包生菜 同 咖哩味蛋黃醬就真心未試過。發現廚有貼心嘅地方，事關炸野非常易上火，都易柴，淋上咖哩蛋黃醬嘅炸蟹用生菜嚟包住，口感豐富左之餘，仲減少左油膩感。
炸龍蝦意大利飯
$198
35 views
0 likes
0 comments
身為窮L會員，大大隻龍蝦擺係面前，唔小心嘩左一聲，而粒粒嘅意大利飯俾濃稠嘅汁包覆住，都咪話唔滿足寫意。
香煎英國豬扒配新薯、洋蔥汁
$178
16 views
0 likes
0 comments
嚟自英國嘅豬扒究竟會有咩驚喜呢？ 鬼佬豬扒嘅口感比較軟身，同唔好怪我講廢話，係比較有豬味d，哈哈！如果份量再多d就好啦。 姐本身唔多入廚房，唔知新薯係何方神聖，但細細粒，特別甜，非常好食！
什莓芝士蛋糕
$58
28 views
0 likes
0 comments
見你俾個心我，等我都俾個心你啦。件cake 有3個層次，芝士、什莓同餅底，本身以為佢會非常之甜，但食落口驚喜地適中，而且入口留香，同朋友一人一半。份量不多不少。
Post
