Video
Read full review
2004-12-24
10 views
20041223 8pm10人生日飯, book o左7.30pm, 8.30pm o的人先到齊, 個場超爆, 好彩有幾個人準時.因為席間人無乜人o黎過鳳城, 我發版, 主要都係叫o的出名"店自慢"菜式.10人吃- (希望無數漏)1) 乳豬拼生腸- 中size, 乳豬激讚! 同一般乳豬分別係切法同醃法同街外燒臘舖唔同, 肉部份會較多, 同埋唔會死鹹. 好正, 清晒碟.2) 蒜蓉炒菜心- 不知何故只係上個勁的式例牌size, 盲o既都睇得出要加大o架啦, 10個大人幾個大漢o黎wor, 不過係幾好食, 菜心新鮮爽甜.3) 瑤柱扒豆苗- 一般.4) 炸子雞- 全隻, 唔得, 跌watt, 雞肉唔夠滑兼無乜味.5) 桂魚卷(預訂食品) - 食係幾好食, 但條魚份量太細, $90蚊條魚, 荷蘭豆就多. 6) 蝦多士- 其實油得很, 我麻麻地, 不過見大家無食過就叫一個咁解je.7) 炒鮮奶- 激讚! 本來我係唔食炒鮮奶呢o的怪味少少騷食品, 但係呢個真係得, 我追住食!!! 滑漏兼奶味唔會過濃, 好掂, 諗起都仲想食.8) 生菜包鵪春鬆- 唔洗講野, 得, 生菜要再order 多碟先夠分.9)
10人生日飯, book o左7.30pm, 8.30pm o的人先到齊, 個場超爆, 好彩有幾個人準時.
因為席間人無乜人o黎過鳳城, 我發版, 主要都係叫o的出名"店自慢"菜式.
10人吃- (希望無數漏)
1) 乳豬拼生腸- 中size, 乳豬激讚! 同一般乳豬分別係切法同醃法同街外燒臘舖唔同, 肉部份會較多, 同埋唔會死鹹. 好正, 清晒碟.
2) 蒜蓉炒菜心- 不知何故只係上個勁的式例牌size, 盲o既都睇得出要加大o架啦, 10個大人幾個大漢o黎wor, 不過係幾好食, 菜心新鮮爽甜.
3) 瑤柱扒豆苗- 一般.
4) 炸子雞- 全隻, 唔得, 跌watt, 雞肉唔夠滑兼無乜味.
5) 桂魚卷(預訂食品) - 食係幾好食, 但條魚份量太細, $90蚊條魚, 荷蘭豆就多.
6) 蝦多士- 其實油得很, 我麻麻地, 不過見大家無食過就叫一個咁解je.
7) 炒鮮奶- 激讚! 本來我係唔食炒鮮奶呢o的怪味少少騷食品, 但係呢個真係得, 我追住食!!! 滑漏兼奶味唔會過濃, 好掂, 諗起都仲想食.
8) 生菜包鵪春鬆- 唔洗講野, 得, 生菜要再order 多碟先夠分.
9) 生炒臘味糯米飯(預訂食品) - 係幾好食, 但本人感覺未好食到要pre-order o既地步. anyway, 我本來係想食夏天個荷葉飯既, 果個好食好多, 不過seasonal dish, 冬天無得食
10) 焗西米布甸(預訂食品) - 夾白蓮蓉, 每人一小碗小食多滋味, 好.
11) 壽包x 10 pcs - 臨時加, 細細隻, 幾好食唔會太漏. (建議預訂, 我地臨時加要等15mins)
service 就好唔掂, 不過都預o左, o黎得呢o的舊酒樓食飯就預o左係九流服務. 點九流法? 例如我開頭o黎到, 要搵返自己張檯, 有個部長級阿姐連搵到無搵就亂點我行上行落, 阿姐們全數十下十下兼十問九唔應諸如此類.
不過食物方面興幸我選擇無錯, 大家都覺得o的o野好好食.
食到10.30pm, 捧住個肚走, 埋單$1230
Post