Video
Read full review
2023-01-04
5952 views
朋友介紹話係良朋共聚嘅好選擇，試新嘢永無say no.椒鹽九肚魚全餐最欣賞嘅小菜，直頭係兒時回憶返晒嚟，實在好多好多年冇係餐廳食得反呢個水準！九肚魚嘅鮮度同油溫火喉都控制到剛剛好！九肚魚入口熱辣辣滑捋捋，外皮炸漿做到脆口又不油膩，做前菜用嚟送白葡萄酒係絕配。金牌蒜香骨老實講蒜香骨賣相有點老火，不過入口有驚喜，可以做到肉嫩有汁，明顯又係師傅嘅功力表面，又係前菜送酒妙品。菠蘿生炒骨（新鮮肉）合格有80分，老板用料新鮮、加分，可以做到掛汁剛好，要挑剔的話排骨份量可以再多啲同厚身一啲。。。蝦乾小炒王味道可以，不過並非個人所好的版本。。。（如圖），芡汁漿粉水過多，未夠鑊氣同乾身。。。新鮮鹽焗雞（半隻）首先聲明作為一個在傳統客家家庭由細食媽咪 home make 自養大騸雞成長的我對鹽焗雞嘅挑剔程度來講，先撇除冰鮮雞肉本身的先天不足，個人覺得今次的鹽焗雞有三個問題、1）斬件嘅時候雞本身溫度太高或”返”熱（睇啲皮就知道）。。。、2）雞肉過熟，雖然咬落去肉質尚算能保持良好有汁，不過明顯有點過火，可以考慮試吓做到骨𥚃透紅效果會更好、3）不夠鹽、而且應該係用鹽水浸雞而並非係用傳統方法用粗鹽去慢慢焐熟（今肉
朋友介紹話係良朋共聚嘅好選擇，試新嘢永無say no.
椒鹽九肚魚
椒鹽九肚魚
$128
117 views
1 likes
0 comments
全餐最欣賞嘅小菜，直頭係兒時回憶返晒嚟，實在好多好多年冇係餐廳食得反呢個水準！九肚魚嘅鮮度同油溫火喉都控制到剛剛好！九肚魚入口熱辣辣滑捋捋，外皮炸漿做到脆口又不油膩，做前菜用嚟送白葡萄酒係絕配。
金牌蒜香骨
金牌蒜香骨
$98
121 views
0 likes
0 comments
老實講蒜香骨賣相有點老火，不過入口有驚喜，可以做到肉嫩有汁，明顯又係師傅嘅功力表面，又係前菜送酒妙品。
菠蘿生炒骨（新鮮肉）
菠蘿生炒骨（新鮮肉）
$198
105 views
0 likes
0 comments
合格有80分，老板用料新鮮、加分，可以做到掛汁剛好，要挑剔的話排骨份量可以再多啲同厚身一啲。。。
蝦乾小炒王
蝦乾小炒王
$138
79 views
0 likes
0 comments
味道可以，不過並非個人所好的版本。。。（如圖），芡汁漿粉水過多，未夠鑊氣同乾身。。。
新鮮鹽焗雞（半隻）
新鮮鹽焗雞（半隻）
$228
68 views
0 likes
0 comments
首先聲明作為一個在傳統客家家庭由細食媽咪 home make 自養大騸雞成長的我對鹽焗雞嘅挑剔程度來講，先撇除冰鮮雞肉本身的先天不足，個人覺得今次的鹽焗雞有三個問題、1）斬件嘅時候雞本身溫度太高或”返”熱（睇啲皮就知道）。。。、2）雞肉過熟，雖然咬落去肉質尚算能保持良好有汁，不過明顯有點過火，可以考慮試吓做到骨𥚃透紅效果會更好、3）不夠鹽、而且應該係用鹽水浸雞而並非係用傳統方法用粗鹽去慢慢焐熟（今肉味鮮度不足），100分最多只值50分。。。
紅燒乳鴿
紅燒乳鴿
$68
199 views
0 likes
0 comments
全餐最失望的出品，味道、外皮同樣失水準，用柴、油、淡來形容。
沸騰魚
沸騰魚
$598
373 views
1 likes
0 comments
做法有點似港式改版嘅水煮魚同酸菜魚嘅混合，一般般，非個人所好。。。要挑剔的話上枱時嘅熱度嚴重不足令食味打咗個折扣，另外酸菜唔夠味。。。
啫啫介蘭煲
啫啫介蘭煲
$98
197 views
1 likes
0 comments
同小炒王一樣，芡汁漿粉水過多，未夠鑊氣同乾身。。。非個人之好的版本。
鼓油王炒麵
鼓油王炒麵
$98
198 views
1 likes
0 comments
合格，不過如果可以再乾身啲會更好同有鑊氣，現在的版本最多只能給80 分。。。
踪合嚟講聚興家食得出是一間用心做的小店、老板同師傅都俾心機經營，支持小店！
Post
