隼 (Closed)

好耐都無嚟Megabox原來開咗間壽司鋪、有迴轉壽司嘅佈置，以新幹線為主題，食物會從路軌快速送到，可算係好貼題快狠「隼」～價位方便又唔貴喎～咁要睇埋食物質素啦～｜炙燒芝士帆立貝（2件）｜帆立貝厚切好厚肉，炙燒香過嘅芝士融合一齊多重滋味～｜海膽花之戀（1件）｜拆開原來有成三塊三文魚，但最正當然要一啖食落肚，海膽加三文魚嘅香氣充斥係口腔～慢慢品嚐先吞落肚🥰｜粒粒飛魚籽軍艦（2件）｜我最愛每次食壽司都必點，我最鍾意個種粒粒咬爆嘅口感🤣｜海膽手卷｜海膽質素唔錯，夠肥夠厚同夠香～性價比好高！｜炙燒黑松露洋風三文魚（2件）｜洋風原來即係黑松露醬炒洋蔥，洋蔥爽爽地，黑松露香氣同三文魚又幾夾～都算幾好嘅配搭同調味～｜吞拿魚腩盛｜有三款包括吞拿魚腩壽司、蔥吞拿魚腩軍艦、海膽醬燒吞拿魚腩壽司，海膽醬不至於蓋過魚嘅鮮味～都幾特別～蔥吞拿魚腩咬落好肥美～好滿足😍｜芝士蛋糕｜好重奶味同芝士味，細細件做甜品食落唔會太膩～good呀