夏麵館 (始創中心)

Open Now

Now Closed

星期一約咗好朋友一齊去旺角食飯，全因要捉緊食大閘蟹季節嘅尾巴，一齊去試試夏麵館新推出嘅蟹粉特色小菜。花雕醉雞經香濃花雕浸泡過嘅雞件每一啖都散發幽香嘅酒味，值得一讚雞肉唔太肥可以連皮食。蟹粉小籠包小籠包外層皮薄，內裡非常Juciy, 高湯味道偏啖唔會蓋過蟹粉嘅咪道，份量剛剛好。蟹粉蟹肉菜芯菜芯爽甜可口，加上蟹粉及蟹肉令味道層次UP, 食得出菜嘅新鮮同蟹粉濃郁嘅膏味。烏金蟹粉拌麵非常醒胃嘅拌麵，而且份量十足。麵質略偏硬身彈牙。除咗蟹粉外仲有少量嘅醋味，少許嘅醋酸令食慾大增，一個人KO一大碗冇難度！黃魚煨麵鐘意食魚嘅朋友一定要點！大塊嘅黃魚已經去骨啖啖肉唔洗拆骨。魚湯清甜冇味精，上海麵嘅粗幼軟硬度適中。酒釀丸子天氣近排轉冷，最岩就係點一客熱嘅甜品作完美ending，酒釀丸子味道不淡，雖然同想像中嘅味道有落差，但丸子彈牙唔太粒，尚算合格啦。