俺流塩らーめん (新都會廣場)

Open Now

Now Closed

係葵芳想快食個晚餐，所以黎左食拉麵。不過佢都多人等，可能因為舖頭細既關係。點左個俺流熟成濃湯拉麵🍜，拉麵可以選軟硬度，有無蔥和筍。之前食過清湯和柚子，始終都係濃湯最好食。呢個拉麵有一塊叉燒，但無雞蛋🥚。想食雞蛋可以另外加錢。個麵煙煙韌韌，軟硬適中。叉燒就普普通通，唔係入口即溶既感覺。濃湯加上蔥和少少柚子皮，味道幾清新，價錢連加一都係$65，比一般日本餐廳質素高，性價比都好高，所以都食過好幾次。