Video
Read full review
2018-06-27
307 views
友人話今晚相約食飯，她預約了這間蒸海鮮，初時諗會唔會食好耐呢，明天要返工😪。上到去平日來講都ok full，衣間係主打海鮮蒸氣鍋同火鍋放題，加30蚊仲有刺身任食。任食2小時，其實2小時任食真係咩都夠喇，對兩個女嘅來講。睇下個menu 都幾多嘢食選擇，分開蒸同火窩粥底，蒸海鮮我有粥底情意結，所以揀左粥底，因為啲海鮮汁滴落去粥底，諗起都好好味。咁加30蚊就有任食刺身咁梗係有加喇～叫好晒嘢食，就出去拎調味料同飲品，衣度真係同放題形式一樣，出面有幾個飲品櫃比你攞，有凍櫃有熱櫃，熱櫃真係好少見，對唔飲凍嘢嘅人有貼心嘅感覺。調味料亦有好多款比你任溝。不少得嘅雪糕櫃都擺左幾款雪糕雪條任食😋等我留位食先。原來衣度蒸海鮮同平時食開嘅整法有啲唔一樣，平時逐樣蒸，真係食好耐，所以見佢一盤過蒸，個心就諗正可以快啲，但是下一刻諗樣樣海鮮蒸同樣時間? 同一般任食放題一樣，坐底就會有一set併盤，日式放題就刺身併盤，而衣度就係用來蒸嘅新鮮海鮮併盤，當中有蜆、蝦、蠔、魷魚、聖子、扇貝，仲有鮑魚，好豐富，啲海鮮好新鮮，仲識郁，上面舖了少少蒜蓉粉絲，我地另外再加左龍蝦。員工為我地較左個鐘，8分鐘食得。時間到，員工聽到鐘響
上到去平日來講都ok full，衣間係主打海鮮蒸氣鍋同火鍋放題，加30蚊仲有刺身任食。任食2小時，其實2小時任食真係咩都夠喇，對兩個女嘅來講。
睇下個menu 都幾多嘢食選擇，分開蒸同火窩粥底，蒸海鮮我有粥底情意結，所以揀左粥底，因為啲海鮮汁滴落去粥底，諗起都好好味。咁加30蚊就有任食刺身咁梗係有加喇～
叫好晒嘢食，就出去拎調味料同飲品，衣度真係同放題形式一樣，出面有幾個飲品櫃比你攞，有凍櫃有熱櫃，熱櫃真係好少見，對唔飲凍嘢嘅人有貼心嘅感覺。調味料亦有好多款比你任溝。不少得嘅雪糕櫃都擺左幾款雪糕雪條任食😋等我留位食先。
原來衣度蒸海鮮同平時食開嘅整法有啲唔一樣，平時逐樣蒸，真係食好耐，所以見佢一盤過蒸，個心就諗正可以快啲，但是下一刻諗樣樣海鮮蒸同樣時間?
同一般任食放題一樣，坐底就會有一set併盤，日式放題就刺身併盤，而衣度就係用來蒸嘅新鮮海鮮併盤，當中有蜆、蝦、蠔、魷魚、聖子、扇貝，仲有鮑魚，好豐富，啲海鮮好新鮮，仲識郁，上面舖了少少蒜蓉粉絲，我地另外再加左龍蝦。
員工為我地較左個鐘，8分鐘食得。時間到，員工聽到鐘響就會為你拎起個蓋，食落無我之前嘅顧慮，每樣海鮮都唔會話太熟有乾嘅感覺，感覺上每樣都剛剛好，鮑魚亦唔會話蒸唔夠同太熟，好好食，有鮮味，我個人覺得無左蒜蓉粉絲都好好。
咁其實蒸海鮮之前已放了粥底喺下面煮緊，我地叫左佢個招牌榣柱龍躉魚粥鍋，佢係要喺度煮45粉鐘之後，再放龍躉再大火煮陣放蔥芹食得，佢用沙漏計時感覺特別。要等45分鐘，我地食晒啲蒸海鮮時間差不多👍🏻我自己想食豬膶粥所以叫左個豬膶放落去，佢啲豬膶厚厚地要煮耐少少，但是好好食，爽的。食左蒸海鮮併盤已大半飽，個粥底好多，我覺得可以4個人食，真係飽到上心口。之前仲嫌唔夠，叫多左個硯同雞來蒸，眼闊肚窄，好彩唔係好多，同好好食所以都食晒。
喺食上面嘅嘢途中，仲食左刺身🤣佢唔係主打日式放題，但是刺身嘅款式同日式放題一樣多，都新鮮唔錯，大家個胃有空間不防加30蚊叫個刺身👍🏻
稍休一會，要去食雪糕喇～有雪米糍、雪條，咁我揀左榴連雪條，堅推介榴連味有但是唔係話好重有少少椰香，堅好食，唔知出面有無得買呢～
食到攬住個肚走ar~
Post
