波仔

Open Now

Now Closed

疫情下😔😔😔冇得同謙謙出街食飯，又唔想返去麻煩媽咪煮唯有自己諗下計啦！早前係青衣城波仔入左d 貨， 今次大派用場，放工返到屋企已經超累，但食樓下外賣已經食到悶， 我就決定來晚波仔大餐。今晚快速完成一餐餸真係好爽，首先洗好菜煲飯，再去蒸返熱d 餸， 前後半小時就已經成枱都係 😁😁😁😁為大家介紹今晚波仔大餐有以下：⚛ 清湯牛腩 ～ 炆得夠腍，鮮嫩入味的牛腩，肥瘦適中。⚛ 水煮牛肉 ～ 牛肉份量幾多，配菜有齊大豆芽，唐芹，木耳等， 味道夠哂濃郁辣味分明，花椒很香，食件牛肉後個咀開始有小辣和麻痹的感覺好爽。⚛ 香菇肉燥 ～ 謙謙大愛非常惹味，超好下飯， 夾幾條菜，加肉燥拌飯，謙謙不知不覺食了兩小碗飯。最後食完飯洗完碗碟再來終極甜品：⚛ 喳咋 ～ 超多唔同的豆，滿滿椰汁香，唔太甜岩哂謙謙。⚛ 海帶綠豆沙 ～ 我成日都咁勞氣要食返d海帶綠豆沙下一下水， 滋味的中式糖水我們太愛，最緊要係凍食又得熱食又得勁方便。