波仔

Open Now

Now Closed

波仔不停開發新產品，有平時大佬喜歡食的叮叮飯，我喜歡的小食、糖水，仲有粥品、湯類、蔬菜等，方便生活忙碌的大家買番屋企享用。   今次經開青衣機鐵站，又發現【波仔】的存在，當然唔少得補貨啦！聽店員講，最近波仔新推出全新產品楊枝甘露瑞士卷🥭、椰香拿鐵瑞士卷🥥，以及黑椒雞脾🍗。鍾意試新野的我，又點會唔買黎食呢！   -新產品-⦁楊枝甘露瑞士卷🥭⦁椰香拿鐵瑞士卷🥥⦁黑椒雞髀🍗兩款瑞士卷的味道特別而且香濃，蛋糕口感軟腍，解凍後即食，拎佢做早餐一流！而黑椒雞髀用微波爐叮3️⃣分鐘，或者用氣炸鍋氣炸1️⃣5️⃣分鐘就可以食。今次就試左叮的方法，醬汁唔算多，但好入味，加上雞髀肉汁偏多，食落一D都唔乾。下次補貨會買多幾盒黎送飯🍚😋😋  ⦁咖喱牛腩飯⦁日式滑蛋豬扒飯最後都買了大佬最愛的叮叮飯，兩款飯大佬每次必買，價錢唔貴，又食得飽！ • 保溫袋有分大（$22）同細（$15），我最鍾意用最大既保溫袋，可以一袋裝晒，仲可以保溫，側揹一袋過，非常方便。 全線波仔 eat east 均有發售

波仔產品選擇多飯麵、粥品、糖水、湯類、小食、蔬菜等產品種類多，方便一次過購買有時工作忙碌收工後，買回家中簡單煮食，就可以享用...波子全新推出產品楊枝甘露瑞士卷🍰、椰香拿鐵瑞士卷獨立包裝📦易𢹂帶，平時給小朋友做下午茶絕對一流👍-楊枝甘露瑞士卷🍰蛋糕有粒粒芒果🥭肉，蛋糕很鬆軟捲著鮮忌廉，甜度適中-椰香拿鐵瑞士卷，充滿咖啡香濃口味，口感軟綿，令人愈吃愈滋味-黑椒雞髀🍗雞肉嫩，濃郁黑椒味，好惹味，雞肉又多汁，大大隻大大啖食~~-南乳花生炆豬手加上配料好似蓮藕、枝竹，就是一個好味又豐富小菜醬料夠濃味，豬手大大件，看上去也很想吃吧!!骨膠原豐富，送飯一流，我最喜歡便是這道菜...-咖喱牛腩飯有牛腩、薯仔🥔米飯搭配咖喱鮮香牛腩軟腍，與醬汁相成，好味道😋..❤️💛🧡

瑤柱雞粒荷葉飯有一塊荷葉包住d飯，一蒸完好香荷葉味！好多冬菇粒，雞粒，仲有瑤柱碎，每一啖飯都有餸。而且用日本米，好有口感，調味都好好。花生眉豆燉雞腳湯好足料呀，有3-4隻雞腳，燉到非常非常淋滑，湯凍時好似啫喱狀咁，整熱左就飲到滿滿既膠原蛋白。湯入面好多花生眉豆。椰香拿鐵瑞士卷蛋卷外皮係好香既拿鐵咖啡☕️味，外皮唔會乾身，好濕潤！中間有好清甜既椰香味cream，好夾！黑椒雞髀🍗好多黑椒洋蔥碎，雞髀份量好大，肉質好鮮嫩多汁。好入味，好好食😋楊枝甘露瑞士卷有芒果🥭味，比較清甜fresh,蛋卷外皮都係好軟綿綿的。

入到青衣城位於機鐵站附近的「波仔」心思思想買糖水食，因為東涌無糖水食，點知發現原來除咗港式小食、小食、健康之選、素食、家常便飯、中式糖水、而家連瑞士卷玩埋特色口味，仲有多款日韓台直送食品比你簡，選擇眾多。最正係呢間分店大到有波仔兩層手推車🛒比你推住購物🛍️超方便。楊枝甘露味瑞士卷：很喜歡粒粒芒果果肉充滿香滑忌廉當中，鬆軟蛋糕都帶有芒果果香氣，甜度適中，分享食又得，越食越滋味。椰香拿鐵味瑞士卷：鬆軟棉密蛋糕內餡，充滿咖啡香濃味忌廉，配上啖啖椰絲，每一啖都係雙重享受，甜度適中，誇張到打開包裝袋都聞到椰香拿鐵☕️味。椰汁咖喱雞飯：椰汁葡國雞，香濃多汁比香辣的咖喱雞多了一分甜味及椰香，配菜以薯仔、紅蘿蔔更是搶手菜，因蔬菜吸滿葡汁的味道分外惹味，佐飯一流。意想不到夠多汁先可以撈飯食。黑椒雞髀：用上氣炸鍋返熱，皮脆肉嫩，濃郁醬香黑椒味，帶點嗆口但好惹味，雞髀肉大大隻可以大啖咬黎食，不錯。咋喳糖水：天氣轉涼最好是喝一碗熱糖水，用幾種不同的豆，西米，芋頭及椰汁煮成，豆類營養豐富，健康又美味，冷熱享用同樣美味。總結：早餐午餐晚餐下午茶宵夜 波仔都可以一手包辦多元化食品設計令人矚目 只花上數分鐘即可享用 懶人

返工日日忙到爆，一早出門一晚返屋企，真係冇咩時間煮餸，所以我平時經過波仔都會順手買定啲嘢食返屋企，叮一叮就可以食，非常方便😊花生眉豆燉雜腳湯🍲呢款湯用上豐富嘅食材，花生、眉豆同雜腳經過長時間燉煮，湯底濃郁，味道滿分。返到屋企叮熱嚟飲，暖胃又滋補香辣豬肉炒河粉🌶️豬肉炒河粉香辣味十足，香氣撲鼻，返屋企叮一叮就可以食，方便又好味。黑椒雞髀🍗黑椒雞髀係我嘅最愛之一，黑椒醬汁嘅味道香濃入味，叮熱後保持內裡嫩滑多汁楊枝甘露瑞士卷🍰呢款瑞士卷係一款創意甜品，鬆軟嘅瑞士卷內餡充滿芒果同西柚嘅香氣，做下午茶就岩晒椰香拿鐵瑞士卷 ☕瑞士卷將椰香同拿鐵口味融入瑞士卷中，鬆軟嘅蛋糕加上香濃嘅內餡，甜而不膩，非常值得一試！

走進波仔，心思思咗好耐嘅咖喱雞終於有機會試到手手啦🍛！一啖落肚嘅咖喱雞唔單止香濃撲鼻，雞肉又滑，唔會好似啲平常外賣店咁老，嗰啲薯仔加落去滲哂咖喱味，簡直係醬汁控嘅天堂，真係想喺屋企都可以食到咁高水平嘅美味。至於嗰粒粒鮮美嘅瑤柱荷葉飯，簡直係中式盒飯嘅極品！一撕開荷葉，嗰陣香氣撲鼻而來，仲有一大鍋瑤柱同雞粒，真係一啖啖精華，飯粒都夠味，每一啖咀嚼都滿滿的滿足感。咦～還有咩可以rem住人？當然係甜品啦！紫米露同喳咋都係必試之選，啲紫米腍而有勁，飲落去每一啖都喜出望外，喳咋? 豆豆配合得咁好，甜度又啱啱好，啱晒鐘意傳統口味嘅朋友。總之，今次嘅外賣體驗真係令人心滿意足💓！無論係屋企手忙腳亂嘅日子，定係想喺家享受返個靜靜嘅午餐時光，呢啲佳餚絕對係你嘅心水之選！食飽飽，心情都跟住好晒！😋👍🏻

適逢今年是【波仔】品牌創立的20週年推出波仔日韓美食節多款日本及韓國產地直送美食新產品登場多種口味任你選，實在是太方便～在家也能像去旅行那樣啦!! 能輕鬆吃到，加熱就得！#波仔  防疫在家，我自己也真是多買冷凍食品🥰🥰🥰 ..吃起來酸酸辣辣的，拔起飯做到芝士拉絲， 雞粒有嚼感，炒飯有濕潤度不會乾，超香的，我超級推薦！！！加熱後意粉白汁多有濕潤度不會乾巴巴，一口吃下去混合煙肉嚼勁....甜而不腻南瓜蓉，帶點咬勁紅豆，大人小朋友都會喜歡食～～～～不但好吃，又開胃， 泡菜直接食用或煮個泡菜豆腐湯，也好好吃，很值得嘗試看看.....即日起於波仔全線分店可以低至85折優惠價購買.❤️💛🧡

呢日行過 #波仔 發現做緊 #波仔日韓美食節，除左平時嘅波仔產品之外，仲有好多日本及韓國產地直送嘅新產品和美食！ 波仔自家嘅芝士泡菜雞粒炒飯好味，叮完Ｄ芝士溶哂係飯粒之間真係好正！泡菜份量都好多啊～加埋粟米粒、大大粒的雞肉粒，全部都好夾好好味！我仲放左CJ Bibigo韓國泡菜落飯度加料，Double泡菜更爽！CJ Bibigo泡菜酸辣度適中，啱哂平時煮麵或炒飯時加料，超惹味！白汁芝士煙肉意粉叮完超多白汁，唔會乾爭爭，份量都好多，食完夠哂飽！椰汁紅豆南瓜蓉感覺好足料，夠哂杰，唔太甜，幾滋潤！仲有人氣甜品 #日東卷蛋 ！聽聞出面好難買但波仔有貨!!! 我買左抺茶味又真係幾好食，阿囝仲話好like佢濃郁的抺茶香，yum yum~~下次再黎掃其他味先!

疫情期間各式各樣急凍食品買得最多，有時經開波仔都會入貨，蝦餃同糖水最常買，咁啱見到新登場產品清湯牛腩，平時自己好少煮，先生好喜歡，而且做緊優惠價$42~有時懶起上嚟當加多個餸都幾抵（當然我覺得一包分量未能稱上一個餸的份量，女仕可以，男人就未必夠飽）有新野一定買嚟試下，屋企從來沒有微波爐，所以一向用開隔水蒸，這款是連包裝袋放就得，好方便。一包大概4～5件，牛腩肉質唔錯，不會太韌亦無乜肥膏或筋位，最欣賞個湯清清地，成碗飲晒都得，整體有驚喜，自己煮多個粗麵剛剛好。

每次假期老細都叫我地負責收尾搞到好夜好累先可以回家，唉加上今年外邊已經冇咩氣氛， 放工都係直接回家最安全， 回到家媽咪見我散曬，話叮熱d波仔同我一齊食，我緊係話好啦，因我都唔想辛苦媽咪。媽咪好厲害將我之前係波仔到買返來的一野整曬，仲要翻叮野，可以整到好似自己親手煮咁，不得不佩服。媽咪將兩盒香蒜蜆肉炒意粉一齊叮，再將煙三文魚整花放上去，誠意十足， 仲要驚我有肉食，叮多個清湯牛腩比我，牛腩軟腍美味。最後仲加大大碗的凍喳咋，d豆多到成碗都係好彩同媽咪share 食。 媽咪食左清湯牛腩都話正，我話緊係佢係波仔新登場產品，仲要即日起於波仔全線分店可以優惠價$42 (原價$48) 購買清湯牛腩，我已經再入定幾盒。

疫情下😔😔😔冇得同謙謙出街食飯，又唔想返去麻煩媽咪煮唯有自己諗下計啦！早前係青衣城波仔入左d 貨， 今次大派用場，放工返到屋企已經超累，但食樓下外賣已經食到悶， 我就決定來晚波仔大餐。今晚快速完成一餐餸真係好爽，首先洗好菜煲飯，再去蒸返熱d 餸， 前後半小時就已經成枱都係 😁😁😁😁為大家介紹今晚波仔大餐有以下：⚛ 清湯牛腩 ～ 炆得夠腍，鮮嫩入味的牛腩，肥瘦適中。⚛ 水煮牛肉 ～ 牛肉份量幾多，配菜有齊大豆芽，唐芹，木耳等， 味道夠哂濃郁辣味分明，花椒很香，食件牛肉後個咀開始有小辣和麻痹的感覺好爽。⚛ 香菇肉燥 ～ 謙謙大愛非常惹味，超好下飯， 夾幾條菜，加肉燥拌飯，謙謙不知不覺食了兩小碗飯。最後食完飯洗完碗碟再來終極甜品：⚛ 喳咋 ～ 超多唔同的豆，滿滿椰汁香，唔太甜岩哂謙謙。⚛ 海帶綠豆沙 ～ 我成日都咁勞氣要食返d海帶綠豆沙下一下水， 滋味的中式糖水我們太愛，最緊要係凍食又得熱食又得勁方便。

疫情下禁堂食，好彩仲有波仔。清湯牛腩一返熱之後好香，牛味非常之濃郁好味，一啲都唔韌唔柴，炆得好夠時間，自己煮個麵即刻升lv變牛腩麵，疫情下唔洗出街都可以食得好，唯一係如果個牛腩裏面有埋白蔔蔔就好啦。肉餅簡單用微波爐叮5分鐘就可以，方便快捷。肉餅雖然厚度偏薄，但口感豐富，有肉味之餘，冬菇馬蹄等等亦令佢生色不少。手痕買左兩個砵仔糕，呢d懷舊小食都有真係好驚喜，仲有黃糖同椰汁兩隻味。原個微波爐叮1.5分鐘就得，好香甜，煙煙韌韌，做小食一流。

收工想食嘅和味快飯💭平衡一下返工嘅勞碌😣波仔今次新出水煮牛肉同麻辣雞煲🌟🌟🌟🔸水煮牛肉水煮牛肉味道惹味，充滿椒麻香氣🌶打開包裝，醬汁份量充足而且仲有芽菜木耳絲同辣椒配菜送飯一流👍🏻🔸麻辣雞煲麻辣雞煲醬汁香濃，但唔會太辣🥘雞翼份量比想像中大和多🔸叮叮通菜配馬拉盞醬通菜新鮮，而且處理方便快捷😏👍🏻個人來講我比較喜歡水煮牛肉其他都好好味👍🏻👍🏻👍🏻👍🏻👍🏻

自從晚六就無得係外面餐廳堂食 呢輪經過波仔都見到唔少人起裡面買嘢返屋企開餐 今晚我都唔例外 入到去發現原來依加波仔既款式都幾多元化 除咗西餐意粉中餐蒸飯糖水 原來依加連叮叮菜包 麻辣雞煲都有 今晚我就帶咗份麻辣雞煲 水煮牛肉同叮叮通菜加埋包馬拉盞醬 同白飯做晚餐 當中最推介麻辣雞煲 雞煲唔止味道好似出面餐廳食既咁惹味 雞翼同雞鎚啖啖肉 幾正 裡面洋蔥 一條條 好軟淋好香甜 水煮牛肉有啲香辣牛肉片幾硬滑 都唔錯 叮叮通菜煮好撈埋佢包馬拉盞醬 幾香口 全部度送飯一流 唔想微波爐都可以隔水蒸加熱 簡單得嚟有菜有肉 好方便 唔洗咁多功夫就食到餐幾好即日起至8月31日波仔全線分店仲有個優惠價依加用$39 就買到 (原價$45) 麻辣雞煲/水煮牛肉 而買任何一款小菜系列既產品 仲可以用優惠價$6配多個白飯或者加$8仲可以配返個紅米飯

今晚心思思唔想煮飯嘅時候經過波仔，發現原來波仔依家有好多選擇。除咗有西式飯/意粉、中餐蒸飯、糖水外~連麻辣雞煲同叮叮菜都有🤩最後我哋揀左麻辣雞煲、水煮牛肉、馬拉盞通菜+白飯。真係好方便，連白飯都唔洗煮！麻辣雞煲🍗非常惹味，啖啖肉！有3隻雞翼+3隻雞鎚，2個人都好夠食！水煮牛肉🌶🐮麻辣味好香，牛肉都幾滑！配菜有木耳、芽菜、芹菜、蔥通菜🥬叮完都仲好翠綠，食落同平時煮嘅菜一樣，但重點係唔洗洗菜，真係超方便！撈埋佢包馬拉盞醬幾香口，少少辣！