四寶食堂 (兆安廣場)

Open Now

Now Closed

因為要上堂，所以星期五晚一個人快食，快食得嚟都可以好高質，快靚正！！ 就係去四寶食堂，佢快餐得嚟有質素唔會Hea。叫咗個一人餐，有主菜，配菜加飲品，仲有可以嗌多個細嘅意粉，份量啱啱好，又啱晒眼闊肚窄，貪心嘅我。板燒美國頂級封門牛柳，外表微焦鎖住肉汁，內裏呈現迷人的粉紅色澤，肉質鮮嫩多汁，每一口都是對味蕾嘅極致寵溺。搭配主廚特調黑燒汁，香氣撲鼻，完美融合肉香。配菜揀咗炒什菌同烤西蘭花，令成個餐更加健康，營養豐富。驚冇澱粉質唔夠飽，但係又唔想食太多澱粉質，呢度嘅餐牌選擇就啱啱好，可以要一個細細嘅肉醬意粉。好足料多肉碎，醬汁濃郁。叫咗杯特飲，檸檬桂花蜜糖冰茶，炎炎夏日嘅最佳解渴聖品，清新怡人，紅茶基底，加檸檬嘅清爽、桂花與蜜糖嘅甘甜，既消暑解渴，又不失為一款雅致嘅休閒享受。