新橋美食屋

Open Now

Now Closed

小西灣富怡樓下小店食肆選擇不少，但新橋美食經常是我的第一選擇。上次試過豬扒炒公仔麵，火喉夠，豬扒惹味份量夠，公仔麵夠乾身，上枱時香氣撲鼻。今次就試咗黑椒豬扒炒飯，加咗$6轉炒底。個黑椒汁其實都夠啦係我接受到嘅辣度。豬扒都唔錯，但係份量真係多到夠兩個成年人食，比出面的店鋪多好多。唯一可挑剔嘅地方就係個炒底炒得唔夠乾身，啲飯多左小小濕氣，如果夠乾身嘅話我相信成個飯會好好食。不過成個餐連埋炒底再加野飲都只不過係$40左右，我覺得性價比非常高。食完呢碟飯真係飽咗幾個鐘，連晚飯都唔想食住。