Outdark (Fee Tat Commercial Centre)

Open Now

Now Closed

念念不忘芝士豬肋骨，今次特別帶埋掛住韓國嘅好友嚟食，第一次嚟嘅佢都好滿意😊芝士豬肋骨 $338Signature系列，大大碟上枱，一半係水牛芝士碎丶一半係韓式豬肋骨，加熱咗嘅半溶芝士包住沾滿酸酸甜甜醬汁嘅豬肋骨，邪惡又惹味；兩個人食，每人至少食咗5丶6條豬肋骨，飽！蕃薯芝士條 (4pcs) $35外表似魚柳手指，實際係拉絲芝士包著甜甜嘅蕃薯條，唔錯！因為怕食唔晒，但係又想試多樣野，唯有揀一個小食，份量啱啱好，少食多滋味Strawberry Smoothie $45士多啤梨夠fresh，乳酪味濃，食邪惡嘢嘅最佳配搭，透心涼之餘又可解膩蜜糖葡萄柚茶 $34有2片鮮西柚，朋友話呢杯茶好香，好好飲!限時90分鐘用餐時間，臨交枱前10分鐘，店員會善意提醒；星期一嘅夜晚，我哋食完離場，見到仲有好多客人喺出邊等位，證明佢哋人氣仍然不減。