蓮香棧 (Closed)

我家搬屋呢個大project已經接近尾聲， 終於可以喘口氣喇😁。是晚跟所有有份參與搬屋嘅家人去食返餐正經家常飯， 原本想去大連鎖酒樓嘅， 但行過綠楊坊，忽然見到呢間蓮香棧😍😍😍。呢間係正品嚟， 老店我地全家由細食到大，直至我地由上環搬去沙田先至冇乜再去幫襯啫。不過我地最近一直都外出用膳冇住家飯食， 腸胃都有點滯膩，所以都唔敢點太多餸。只點了個鍋貼大明蝦、紫薑炆排骨、龍躉兩味、欖菜肉碎四季豆、最後以西米布甸作結😋😋😋🤭。唔知係咪太耐冇食呢？🤔我覺得味道同以前唔一樣，只算不過不失，冇乜驚喜，但性價比仍然甚高。