巴剎雞飯 (Closed)

今日要出到西環做野，人生路不熟想搵野食都唔係咁易，周圍全部都係要貴價餐廳，路過見到有間食雞既鋪頭好似好吸引，就入左去試入面全部都係用左好傳統既茶餐廳枱櫈，好有懷舊既feel雖然裝修得傳統，但野食好有特色，巴剎雞都係第一次聽，而家仲有皮蛋餃都係未食過，勁中意食皮蛋既我一場黎再無理由唔試下巴剎雞，呢到半隻份量都唔少，見到師傅仲好有心機咁切件雞肉，整左個雞冠形狀出黎雞肉食落好嫩滑，醬汁亦好特別，食落好清新好啲似青醬，唔錯炸肉撈麵，外皮卜卜脆咬落有聲，肉質半肥瘦食落好香口，麵底本身亦好夠味，咬落爽口彈牙，好好食！嫌太乾身仲可以加少少湯落去必食皮蛋餃入面係豬肉同皮蛋，超級好食！食落好甘香，連個湯底都好好飲，差啲成碗飲晒野飲方面都唔差，有自家製羅漢果龍眼冬瓜茶，對比起傳統冬瓜茶唔會太甜，羅漢果甜取代左普通糖，又健康又多左層次丹南咖啡亦好好飲，唔會好苦，比較多奶，唔錯！