孖寶車仔麵

Open Now

Now Closed

讀書時期間中都會行下葵廣買衫，久未踏足，見到有間好多人食過嘅車仔麵，由於依家呢類舖都買少見少，一於嚟食下以前好易食到嘅小食，支持下港式小店。嚟到都差唔多滿座，一如既往，可以用紙叫餸揀麵。三餸麵包一杯熱飲，價錢尚可接受，呢度比較特別，平時只有麵可以揀，第一次見可以揀腸粉😯依家想食豬腸粉都幾難，一於叫三餸麵改叫腸粉。由於選擇幾多，最後叫咗四個餸，飲品加錢叫咗豆漿。上菜時腸粉燒賣同餸分開放，啲餸用公雞碗上，份量足夠。蘿蔔冇渣，軟硬適中，係有少少咸。魚蛋好夠陳皮味，唔係粉嘅魚蛋，口感非常好。牛肚煮得入味，唔韌。燒賣正常，食到魚味。腸粉嘅熱度啱啱好，食落嫩滑，食唔停👍🏼麻醬唔算多，但都夠味。