老馮茶居 (大棠路)

之前一直都好想去元朗呢間老馮茶居度食，放假終於有時間早少少起身出去食，差唔多10點幾11點都要等一陣，大概20分鐘左右，前面有幾枱等緊。坐低之後即刻落單嗌咗幾個小食，同普通茶樓都一樣，叫咗幾個必食嘅點心，仲有嗌咗少少老馮算係招牌點心（？）金牌炸芋角👉🏻出邊整到好脆，入邊全部都係實心嘅芋泥餡五柳炸雲吞👉🏻外面個皮炸到好脆，用手拎要好小心，因為個皮都比較薄，好易會碎，入邊成隻蝦喺晒度蜜汁叉燒腸👉🏻皮好薄，入面係切碎咗嘅叉燒，但感覺個叉燒唔夠蜜汁味，同埋豉油汁冇乜味老馮鮮蝦餃👉🏻個皮好薄，入邊有2隻細蝦古法牛肉球👉🏻食落去有細個食開牛肉球嘅味道，芫荽比較多，但食落去個味道都ok老馮流沙芋泥包👉🏻比想像中好食，成個流沙餡，入邊奶香蓮蓉芋泥餡，好足餡，出色老馮鹹水角👉🏻炸都好脆，入邊啲餡都好足料薑汁燉鮮奶👉🏻如果要熱食大概要等20分鐘，凍食就快啲，差唔多即嗌即有整體感覺比我想像中好，有懷舊茶樓風味嘅，而且裝修都比較懷舊風😆