Video
Read full review
2021-10-02
756 views
荃灣一向多美食，多年前食過位於土瓜灣的楚燃記大排檔，竟然在荃灣都開了分店，今次好彩特地早啲book枱，門口聽到侍應話要2星期BOOK～雖然係一樓要行樓梯，但係沿途有打卡位😎📸 時光倒流幾十年前大排檔的情景。室內裝修同佈置都用心設計到昔日大排檔格局，連全晚音樂都係爸媽年代的經典金曲，我竟然全部都認得曬 🤣打開餐牌簡直花多眼亂，有好多招牌燃手小菜，更有一些創新菜式。第一道菜 【蜜椒薯仔牛柳粒】份量幾大，有青紅椒、薯仔、洋蔥、牛柳粒等，中式爆炒配蜜糖，意外地將這些材料融合一體，特別鍾意薯仔外脆內鬆化配上蜜糖的味道令我食到停唔到手，當然黑椒牛柳粒都鮮嫩惹味，絕對係我每次必叫首選！第二道菜【香煎黑松露手打蓮藕墨魚餅】這道中西FUSION菜一上菜就有陣陣黑松露的香氣，食落去又唔會蓋過墨魚餅的鮮味，咬下去仲食到粒粒蓮藕及墨魚的質感，非常有口感，而且沒有想像中那麼油膩。第三道菜 【豉汁蒸大鱔】呢個魚是我出街食小菜必叫，因為街市買都唔平，而且自己整都複雜。見到碟大鱔好大份，仲啖啖鱔肉，豆豉同個汁都好惹味，完全帶出大鱔的鮮甜，十分推介。另外試了杞子龍眼菊花蜜及清熱五花茶，都是自家製的飲品，杞子龍眼菊花蜜較
荃灣一向多美食，多年前食過位於土瓜灣的楚燃記大排檔，竟然在荃灣都開了分店，今次好彩特地早啲book枱，門口聽到侍應話要2星期BOOK～雖然係一樓要行樓梯，但係沿途有打卡位😎📸 時光倒流幾十年前大排檔的情景。
室內裝修同佈置都用心設計到昔日大排檔格局，連全晚音樂都係爸媽年代的經典金曲，我竟然全部都認得曬 🤣
打開餐牌簡直花多眼亂，有好多招牌燃手小菜，更有一些創新菜式。
第一道菜 【蜜椒薯仔牛柳粒】
份量幾大，有青紅椒、薯仔、洋蔥、牛柳粒等，中式爆炒配蜜糖，意外地將這些材料融合一體，特別鍾意薯仔外脆內鬆化配上蜜糖的味道令我食到停唔到手，當然黑椒牛柳粒都鮮嫩惹味，絕對係我每次必叫首選！
蜜椒薯仔牛柳粒
$98
29 views
0 likes
0 comments
蜜椒薯仔牛柳粒
$98
19 views
0 likes
0 comments
第二道菜【香煎黑松露手打蓮藕墨魚餅】
這道中西FUSION菜一上菜就有陣陣黑松露的香氣，食落去又唔會蓋過墨魚餅的鮮味，咬下去仲食到粒粒蓮藕及墨魚的質感，非常有口感，而且沒有想像中那麼油膩。
香煎黑松露手打蓮藕墨魚餅
$96
20 views
0 likes
0 comments
香煎黑松露手打蓮藕墨魚餅
$96
15 views
0 likes
0 comments
第三道菜 【豉汁蒸大鱔】
呢個魚是我出街食小菜必叫，因為街市買都唔平，而且自己整都複雜。見到碟大鱔好大份，仲啖啖鱔肉，豆豉同個汁都好惹味，完全帶出大鱔的鮮甜，十分推介。
豉汁蒸大鱔
$152
27 views
0 likes
0 comments
另外試了杞子龍眼菊花蜜及清熱五花茶，都是自家製的飲品，杞子龍眼菊花蜜較甜，但有杞子龍眼可以一路飲一路食下，杯底仲有好多粒菊花，都幾真材實料煲成；而五花茶唔甜，味道清爽香濃，好適合食完煎炸野飲番一杯。
埋單時送了2個糖水，好窩心呢～有蕃薯糖水仲有清保涼，擁有第2個胃的我們當然食得落糖水🤣🤣 都夠足料，可惜只有凍的選擇
太多食物想試了，下次要起碼四個人先可以試多啲野
Post
