楚撚記大排檔

Open Now

Now Closed

據聞荃灣有間大排檔模式的食肆做得不錯，今天同友人就去一試。雖然已經電話留位；但去到樓下亦要稍候一會。在沿著樓梯上去，已見牆上掛滿了懷舊的裝飾圖畫，而餐廳內的餐桌櫈椅全到是彷制舊日的家具，牆上的裝飾掛晝和佈置亦散發昔日的懷舊氣息，氣氛非常很好。😊🍽用 QR code 下單沒多久食物已上枱，出品相當快速值得一讚。💢蜜椒薯仔牛柳粒，食物的賣相不錯，🐂牛柳粒食落有牛味，其肉質煮得腍口没有過老而太韌，配上黑椒汁相當惹味，不愧為其必食招牌菜之一。😋💢古法涼瓜炆魚雲煲，煲仔上枱時熱辣辣滋滋作響，傳來陣陣脆香魚味，涼瓜咬落仍然爽口味道未太過苦澀。🐟魚雲入口没腥味新鮮，但個人稍嫌魚雲煲的汁少了點，不夠滿足。😅💢飛天通菜煲， 一放上枱同樣聽到吱吱聲，🥬翠綠鮮嫩的色澤和濃郁的醬汁味非常惹人垂涎，通菜入口鹹香味重卻又不會過鹹，咬落還算爽脆。😄💢還加多一個大杯檸茶🍹，玻璃杯的外型真的夠大夠吸晴，味道清甜解膩。💢最後還送兩個番薯糖水和清心丸，蕃薯夠腍口，清心丸亦可以，兩糖水都不會太甜口感可以。😊🔷️今次的體驗給人以前懷舊大排檔食肆的風味，同時亦做出了以前食品的鑊氣和風味，加上不收加一服務費，下次亦會再來試他其他的懷

「楚撚記大排檔」位於荃灣川龍街，環境充滿懷舊大排檔風情，氣氛熱鬧，員工態度友善，令人感覺好親切！🐷 麻婆豆腐豆腐嫩滑，麻辣味濃郁，辣度適中，食落去好開胃，絕對係送飯首選！🐷 鹹魚雞粒炒飯炒飯粒粒分明，鹹魚香味撲鼻，雞粒嫩滑，整體味道非常出色！🐷 頭抽豉油王銀芽炒麵炒麵鑊氣十足，銀芽爽脆，頭抽豉油香味濃郁，食落去好滿足！整體嚟講，「楚撚記大排檔」食物質素高，氣氛熱鬧，員工態度好，係荃灣區一個唔錯嘅選擇！楚撚記大排檔📍 荃灣川龍街118號八月坊地舖至1號#吃貨日常 #荃灣美食 #麻婆豆腐 #大排檔 #hkfoodie #foodiehk #楚撚記

未試過食飯可以食到咁嬲🔥🔥🔥🔥🔥事源因慶祝朋友生日當日下午已經打電話去訂枱，聽電話個個姐姐話得返5:45同8:45，咁我地就決定左8:45，個小姐都有提我地hold枱10分鐘，之後我哋因為未confirm到實際人數所以就話10個人先，稍後夜啲會打黎confirm booking。咁8點左右打黎再次confirm booking時，我就講最後人數8個之後就收線。大約8:50已經有朋友到達，當時職員有同我地講10:15要交枱，然後我地望一望當時入座枱數係大概7成左右便OK，我地當日係平日宵夜時段估未必會大量客人輪侯，所以諗住好多餐廳都有講用餐時間，但無客等都唔會趕客走，所以我地都諗住睇下食到咁上下，如果好多人等枱就準時離座，都明白餐廳都要揾錢想反枱做多轉。係用餐期間，我地有不斷加單加餸亦一直都有餸菜落枱，而到9:30-9:40左右職員已經好似有啲急咁keep住幫我地收碟同問我地呢啲仲要唔要。到9:45分左右，大家都係度仲夾緊餸既時候，突然間就送個蛋糕上黎，啲職員亦有同我地講生日快樂，老實講上蛋糕前個10分鐘都仲有係有野食落緊枱，仲係食緊飯既時候突然間就比蛋糕，我地真係毫無預警，大家都打左個

我哋訂枱食飯，一早講左係驚喜蛋糕，但當我地成枱都係食物仲未食哂既時候員工一行埋嚟就放低蛋糕，我哋完全呆左，完全無諗過佢會用咁嘅方式上蛋糕，仲要講左一句生日快樂就走左，原來係因為要我地交枱俾佢地自己員工食飯，但當時其實仲有好多吉枱。。。。。到我哋走既時候問經理，仲好笑，因為我地係訂枱，所以要交枱，但Walk in就洗限時，佢自己講完都覺得有問題喇，真係以後都唔會再去，唔怪之得佢生意越嚟越差，係有原因我地生日個朋友都好唔開心

楚撚記係一間新式大排檔，環境幾寬敞，適合同朋友聚餐。今次我食咗幾道菜，包括砵酒焗蠔煲、椒鹽豆腐同激辣避風塘水魷。首先，砵酒焗蠔煲嘅醬汁幾香，蠔都幾新鮮，不過份量有啲少，大約七、八隻，對於鍾意食海鮮嘅人來講，可能會覺得唔夠。椒鹽豆腐外脆內嫩，味道唔錯，口感都幾好，值得一試。至於激辣避風塘水魷，雖然名叫“激辣”，但實際上辣味唔算特別強，份量亦偏少。個汁幾香，有啲似三哥嘅水煮湯底，但入面有粉絲同芽菜，味道搭配得幾好。不過整得有啲碎，食落去有啲難夾。整體嚟講，楚撚記嘅菜式都幾好味，但如果份量可以再多啲，就更好啦

約咗朋友食飯，今次又book咗楚撚記。一如以往都係要提早book位。今次四個人叫咗五個餸必食嘅有蜜椒薯仔牛柳粒、黑松露手打墨魚餅同埋咕嚕肉！但今次蜜椒薯仔牛柳粒嗰份量略嫌少咗啲。另外仲叫咗一份椒鹽粟米，椒鹽粟米係有啲好似鹹蛋黃咁樣一齊去炸，鹹鹹甜甜，好惹味。另外仲好值得推薦嘅，就係豬油飯同埋糯米飯啦！我哋兩款都叫咗一碗，豬油飯係自己落豬油同豉油撈，可以按自己喜好加份量。糯米飯煲得好香，臘味亦都好好食！最後仲送咗個糖水。埋單每人150。

對上一次食原來已經係2022年啦，食完一次之後好難忘，成日都想過嚟食，但係又有好多新餐廳想去試，終於終於今次約咗朋友再過嚟食多次。所有嘢食份量依然都好大份，而且水準仲keep住！唔怪之得長期滿座！仲要唔收加一！🥢椒鹽九肚魚🥢菠蘿拔絲咕嚕肉🥢避風塘鮮魷🥢啫啫芥蘭煲

在荃灣附近，見OpenRice 上呢間好似幾好去試下。食完好失望，叫左3樣野(啫啫田雞煲，豉椒炒花甲，通菜煲)，菜單上寫要等20-30分鐘，但落單後5-10分鐘左右3樣都到了，調味ok, 但食落口溫度又唔太夠熱，又好似已經煮好了一段時間一直保住溫的感覺，只係放上一個燒熱了的瓦煲上菜。食大排檔就係要食獲氣，要食新鮮炒岀來的食物和感覺，尤其係炒花甲/田雞煲呢種，所以好失望。好彩我地早左少少去，岀黎見到好多人排隊，唔明點解仲有咁多人排隊去食。

由於沒有訂位，6:40pm到達，留低電話等Walk in，差不多到七點時，門口聚集大量人群，等候安排入座，門口有菊花茶提供給食客飲用，好窩心👍🏻等到7:10pm，門口職員叫號碼可上樓上就座。餐牌上款式十分多，好多款都想試，各式各樣的小菜好吸引🤩脆皮炸大腸鬆脆可口，每一塊大腸下面配以菠蘿墊底，加上醬汁，美味可口⭐️⭐️⭐️⭐️⭐️（5/5⭐️）香濃南乳粗齋煲上枱時熱辣辣，南乳味濃郁，材料有冬菇、枝竹、豆腐卜、粟米鬚、菜及粉絲⭐️⭐️⭐️⭐️（⭐️4/5）西檸煎軟雞大大碟，份量多，皮脆肉嫩⭐️⭐️⭐️⭐️⭐️（⭐️5/5）生炒臘味糯米飯味道一般⭐️⭐️⭐️（⭐️3/5）

約朋友食晚飯諗住試人氣大排檔小炒，諗住盡情食同飲……但發現全枱最正嘅係條女…藍妹🍻🤣🤣網上人人話好味，但我地應該去錯地方，味道如店名🤣呢個價錢求其去個大排檔炒都好過佢，限時90分鐘食到最後30分鐘已經忙執枱。金沙椒鹽粟米～無椒鹽味完全唔香口，得蛋黃味，淋嘅😔白灼鵝腸～急凍鵝腸都唔緊要，但爽都唔爽一d都唔香😑，唔明個豉油汁點解咁甜豉椒炒蜆～汁還汁蜆還蜆，好明顯係烚熟先炒埋個汁，完全無鑊氣。啫啫芥蘭～都可以把鬼嘅，一鍋水，點叫啫啫呀！芥蘭淋嘅，唔爽脆（又係烚左先？🤨）椒鹽鮮魷～算最正常味道豉汁蒸鱔～雖然唔夠肥美但味道算正常風沙霸王雞～收158半隻，預左係雪藏雞無雞味所以無期望，普通嘅一味雞，但唔明鋪面嘅炸蒜又唔香口又唔夾味。剁椒魚頭～味道算正常偏咸，但又係一鍋水……🤨豬油撈飯～$26碗，飯一d都唔香。送嘅糖水飲左一啖就……廢時浪費自己quota。🤪總括……笨過一次就夠

好鬼好食既楚撚記！每款撚手小菜都保持到佢應有既水準 湯同茶都超級好飲 已經食左幾次都唔錯同超級好味 不過晚市可能要訂檯 平時都係十點幾後去就有位 要推薦啲小菜係配豬油撈飯 豬油同鼓油比例自己可以調製 記得裝左自己碗先再慢慢試個比例 如果唔係就無得用白飯溝淡佢

宵夜首選，楚撚記食過好多次覺得初初食嘅味道係最好食即係可以講色香味俱全之前食完仲會有番薯糖水或者清補涼送非常之貼心！！依家好似越嚟越鹹，同埋份量好似少咗，雖然都係好香。另外宵夜時段9:30之後仲有八八折👍🏻講返餸菜先-十分推薦拉絲咕嚕肉，每次必叫呢個菜式醬汁調配得啱啱好，而且肉係用里脊肉，淡淡都係肉，而且又香口又酸酸甜甜非常開胃-第二推薦避風塘魷魚避風塘超香，魷魚好香脆，個皮唔會太厚！-啫啫雞煲雞有雞味🤣但係呢個真係有啲鹹，豬潤喺入面啱啱好唔會太老，好鍾意豬膶嗰個口感，我自己覺得豬膶仲好食過雞😂😂-小炒王呢個份量真係比以前少咗，但係都係好惹味好有鑊氣，不過蝦乾真係好鹹，一定要送飯-啫啫生菜煲都係正常惹味-金菇肥牛呢個真係超級鹹🥲不過牛肉份量好多

老公嘅男友人NT約請老公喺21-11-2024 (Thur)食生日飯，我問佢有冇idea食邊間？佢搵搵，佢搵到江湖小棧，我就記得想試好耐嘅呢間，佢最後都揀呢間，佢打電話嚟話冇得book位，要wall in。咁我放工嚟攞定位先啦，嚟到時都係話冇得book，不過可以留電話，到有位時call我，ok啊。不過我都問，係咪要人齊至入得？佢答唔係，不過用餐時間係1.5個鐘，一入座就開始計。啊，咁我等埋佢哋嚟到先啦。喺等嘅時候，都唔少客嚟到，我就問職員，我係第嘅第組客？佢就答我7點鬆啲會有枱。咁我繼續等，等到人齊，我就入去攞位，職員話等一陣，叫我哋上樓梯坐住先，有位會嗌我。咁等咗一陣就有位，我哋上到去坐低睇完menu，就要：3. $25.00嘅楚撚豬油撈飯（碗）都好細碗，豬油，豉油，蔥花同芫荽碎都分開上，要趁豬油仍係液體狀態時淋落白飯喥，淋完同加蔥花芫荽碎食得。呢個幾好味，唔太膩，不過都係少食多滋味。4.5分5. $92.00嘅飛天通菜煲NT好想食，所以點呢個，呢個用蝦醬炒，有少少辣。4分2. $76.00嘅黃金椒鹽粟米咁有創意嘅菜色點可以唔叫？嚟到都拿拿淋食，金沙蛋黃包住甜美多汁粟米，係有突破，不

與三五知己想不到在哪裏吃晚飯好的時候，有人提議可以到這一間大排檔嘗一嘗，會有一種非常難以忘懷及經典的味道，所以就應朋友的要求嘗試了這一間大排檔檔，果然令我們覺得不枉此行。最推介的，就是椒鹽鮮魷，我最喜歡就是酥炸香脆的食物，而椒鹽鮮魷是每一家大排檔必有的菜式，我對他的椒鹽鮮魷評價非常高，鮮魷的味道很濃郁外皮很酥脆吃下去的時候很好送酒，是一道非常完美的下酒菜。另外一個推薦的餸就是咕嚕肉，酸酸鹹鹹的感覺，也是非常好送飯。

同鄰居打緊羽毛球，突然有人話想食呢間小菜館。不過話好難book就想放棄。好耐之前已經上市呢一間，咁就打電話去碰碰運氣。點知又俾我book到即晚嘅8:30。打完波就滿心歡喜出去食飯。因為得三個人唔叫得多，今次就是住少少先。黃金粟米，味道係冇得輸嘅，不過就略嫌佢唔夠乾身。菠蘿豬大腸，呢度處理得幾好個外皮炸得好脆裏便又唔會太韌。最重要嘅佢唔似得出邊啲小炒店，炸到好似柴咁跟住又俾啲腸尾完全冇肉食。另外鄰居點咗個豬油撈飯，但係佢餐牌有個經典嘅。我就口痕問吓有咩分別原來經典嘅話係自己即場撈。咁梗係自已撈過癮啦。即撈即食先至夠香，最終都冇令我失望，真係好好食。另外叫咗個牛仔骨煲，一試佢個黑椒汁，即刻想嗌碗白飯嚟撈汁。不過控制咗自己，因為打完波都係唔好食咁多碳水化合物，點知佢下邊用粉絲墊底索曬啲黑椒汁，真係好食到癲咗。跟住鄰居唔夠喉，後尾加多咗個黑松露墨魚餅，係幾香嘅同埋有誠意，裏面真係見到有墨魚粒，不過就細咗少少。整體嚟講呢餐超滿足。事次為自費用膳。