Video
Read full review
2023-03-25
416 views
地址－鵝頸橋四季火鍋銅鑼灣謝斐道414-424號中望商業中心地下1-2號舖有日係銅記行完街，經過鵝頸橋見到有間火鍋店幾有特色，一於去試下佢先，入到去就比周圍老香港的裝潢吸引左，連D餐具都充滿特色，配上90年代左右的音樂，好有氣氛，當我地坐低後無耐就推架車仔黎比我地揀醬料，連容器都好有特色。💋鮮茄牛筋腩湯底及本地手切肥牛，佢呢個湯底一上黎，就已經聞到噗鼻而來的蕃茄鮮甜味，等佢滾起左後呷黎試下，好香濃的蕃茄香味同埋帶有少少的牛味，好正，而我地都叫左碟手切肥牛黎食下，佢好大碟，肥瘦均稱，牛味香濃，只需要淥幾秒就食得，唔錯。💋手打三寶丸及自家製四拼餃，佢個三寶丸分別有墨魚蝦籽丸，梅菜豬肉丸同埋冬菇丸，首先講下蝦籽丸，佢D蝦籽份量勁多，食落卜卜脆咁，幾得意，梅菜豬肉丸就帶一點鹹香，味道層次豐富，而冬菇丸就食落有陣陣冬菇香，好正。而四拼餃佢D雲吞好大粒，見到原隻鮮蝦係裡面，韭菜餃餡料非常豐富，韭菜香勁香濃。💋脆鯇魚骨腩及白鱔片，佢D鯇魚骨腩勁肥美，食落滿口油香，爽口彈牙，而白鱔片勁厚肉，而且唔會有細骨出現，值得一讚。💋即炸響鈴及炸牛餐肉，即炸響鈴要等多陣至能出場，佢一浸落湯底度即時已經軟化，屆時就
銅鑼灣謝斐道414-424號中望商業中心地下1-2號舖
有日係銅記行完街，經過鵝頸橋見到有間火鍋店幾有特色，一於去試下佢先，入到去就比周圍老香港的裝潢吸引左，連D餐具都充滿特色，配上90年代左右的音樂，好有氣氛，當我地坐低後無耐就推架車仔黎比我地揀醬料，連容器都好有特色。
💋鮮茄牛筋腩湯底及本地手切肥牛，佢呢個湯底一上黎，就已經聞到噗鼻而來的蕃茄鮮甜味，等佢滾起左後呷黎試下，好香濃的蕃茄香味同埋帶有少少的牛味，好正，而我地都叫左碟手切肥牛黎食下，佢好大碟，肥瘦均稱，牛味香濃，只需要淥幾秒就食得，唔錯。
💋手打三寶丸及自家製四拼餃，佢個三寶丸分別有墨魚蝦籽丸，梅菜豬肉丸同埋冬菇丸，首先講下蝦籽丸，佢D蝦籽份量勁多，食落卜卜脆咁，幾得意，梅菜豬肉丸就帶一點鹹香，味道層次豐富，而冬菇丸就食落有陣陣冬菇香，好正。而四拼餃佢D雲吞好大粒，見到原隻鮮蝦係裡面，韭菜餃餡料非常豐富，韭菜香勁香濃。
💋脆鯇魚骨腩及白鱔片，佢D鯇魚骨腩勁肥美，食落滿口油香，爽口彈牙，而白鱔片勁厚肉，而且唔會有細骨出現，值得一讚。
💋即炸響鈴及炸牛餐肉，即炸響鈴要等多陣至能出場，佢一浸落湯底度即時已經軟化，屆時就可以撈返上黎，食落口感鬆脆，而炸午餐肉佢係勁！厚！切！囉，勁正，又唔會話太鹹，又帶有少少脆皮的口感，幾特別。
💋出前一丁及唐生菜，食左咁多肉肉，都要叫下菜菜黎健康一下嘅，最後當然要叫返個出前一丁黎索晒最後的湯汁，完美的一餐就此結束。
Post
