鵝頸橋四季火鍋

Open Now

Now Closed

這家有懷舊香港特色的火鍋店，成晚聽着90年代的廣東流行曲，氣氛好好今晚食物質素可以花膠雞湯湯底唔錯，半隻雞和好多細細塊的花膠牛肉味道中規中矩午餐肉特別香待應員的服務好好

Yoasobi都過嚟這間餐廳食嘢所以專登過嚟試下，但訂位好難所以我預早三個禮拜前訂定位同朋友慶祝生日，切蛋糕時餐廳會播生日歌之前幾枱播生日歌比較正常啲輪到我個枱我生日的朋友比較年輕但居然播中式生日歌比較尷尬但搞笑可以搞到氣氛另到全埸其他枱一齊唱生日歌讓我生日朋友好驚喜，每位侍應都好熱情同會營造到氣氛唔係太多餐廳有咁嘅服務。我們一定會再來也強烈推薦這間餐廳是朋友聚會及慶祝生日好地方，這間餐廳音樂比較大聲如果鍾意靜嘅朋友未必適合，值得一提這到侍應會不停會敬你飲酒，酒量差要小心。

鵝頸橋呢間火鍋店都開咗一段時間，見佢裝修行香港懷舊嘅風格，同對面嘅樓下風格相當相似，只係唔同路線。聽聞亦都係光環店，即管試下佢究竟好唔好食，抵唔抵食。溫馨提示：此篇文章為自費食評，食物質素每日可能不穩定。同行9位，叫咗好多嘢食，唔續樣講啦。呢度每位嘅醬料都係要收費$20嘅，選擇黎講唔算特別多，不過有齊港式火鍋需要用到嘅醬料。以同類型店舖黎講，服務亦都幾好。環境光猛，Keep 主播大家熟悉嘅熱鬧廣東歌，氣氛良好。食港式火鍋除咗食配料，其實個鍋先最緊要。分別點咗個鴛鴦鍋（沙嗲／胡椒猪骨沙白），同埋我最鍾意嘅麻辣牛雜鍋。前菜點咗川椒皮蛋，炸墨魚餅，臭豆腐，泡椒鳳爪。炸墨魚餅最好食，皮蛋臭豆腐正常，泡椒鳳爪我覺得唔夠辣，不過其他人就話幾好。湯底方面，麻辣牛雜鍋推介，裡面超多了，牛肺入口係化開嘅，好好食，辣度正常，唔錯。（我本身鍾意辣嘅）牛肉方面，果日推介嘅部位有腩頭，邊爪。本地騸牯牛。未算係好靚，不過收費公道，只係 $488。其他推介火鍋配料：豬黃喉，花雕雞潤，大竹笙，獅頭鵝腸，油鴨肶，手打墨魚丸，蝦丸，豬潤，豬大腸，大連蚌，黑柏葉大家嚟開就即管嗌啲試下，應該無伏，一係無貨。佢哋有個隱藏版嘅竹

懷舊風格裝修的港式火鍋店用餐，整體感覺還算不錯。店鋪的裝修採用了七八十年代的風格，給人一種復古的氛圍，讓人感覺舒適愉悅。我們點了牛肉、手作牛肉丸、餃子、炸午餐肉、玉米等等。牛肉質量尚可，口感不錯，不過可能需要注意一下切片的厚度，有些部分稍嫌過厚。手作牛肉丸味道不錯，彈牙有嚼勁，但有時略顯油膩。餃子的餡料豐富，但皮稍厚。炸午餐肉味道倒是出乎意料的好，外酥裡嫩，是一道不錯的小吃選擇。至於玉米，口感尚可，但沒有什麼特別之處。火鍋的湯底口味多樣，但整體來說味道尚可，不過可能需要注意一下鮮味的濃度，有些許偏淡。配菜新鮮程度良好，種類也算豐富。值得一提的是，醬料種類很豐富，特別是有很純正的北方芝麻醬。整體而言，這家港式火鍋店給人的感覺還是不錯的。雖然在食材的處理上還有一些可以改進的地方，但在懷舊風格的氛圍中享用火鍋，仍然是一次愉悅的用餐體驗。

新年特別多飯局，天氣凍特別適合打邊爐，同事book咗呢一間火鍋店，貪佢有間房，又有得唱K，特別適合公司同事之間年終聚會。店員特別好服務，好快已經係我哋去咗房間，房間都算乾淨同埋大，可能見到啲人多嘅關係，仲幫我哋免開瓶費👍🏼叫左2個花膠雞湯湯底，好濃郁，好有雞味，點讚👍🏼一如以往一定要叫牛，尤其是係腩包，廚房好貼心，寫好晒煮食時間，例如腩包咁樣，寫明只係需要五至六秒 cooking time 腩包肉味好重，好正😋最後埋單每人大概$800，好滿足

依間火鍋係貴，但有質素👍🏽唔止野食好味，員工嘅態度都好好👍🏽環境一流-香港！今日同中學同學gathering, - 湯底揀左花膠雞🐥膠質真心重，而且雞都好嫩😋火鍋料就試左- 牛頸脊: 超好味，30秒都夠了🐮- 蝦: 好新鮮，到嘅時候啲蝦都仲郁緊🍤- 響鈴: 唔會話好油，浸3秒就有內脆外軟👍🏽- 炸魚皮: 夠晒脆- 海蜇: 好爽口- 紙豆腐: 薄魚紙，豆味非常濃- 魚: 好厚實，唔多骨- 雞: 好嫩- 雲吞: 皮薄餡靚- 魚皮餃: 皮薄餡靚- 黑色牛柏葉: 第一次食黑色，覺得都幾爽口- 菇，萵筍: 正正常常飲野:- 啤酒- 竹蔗茅根: 好鮮甜！好足料，但係唔夠喉😂😂

朋友來香港玩，帶了他們一家過來鵝頸橋四季火鍋，打電話預約的時候本身沒有圓枱，諗住周圍都OK，最緊要食到。點知同朋友過到去，老闆安排咗一張圓枱，環境位置可以近咁有特色的背景。非常開心！食物很好，特別是潮汕牛丸、頂級牛肉！墨魚丸都係非常彈牙！每個人都吃的很開心！愉快的一晚！

一行9人， 整體食物 其實係好食， 環境幾好， 員工都幾有禮貌！ 可惜 發生左一件不能理解既事！首先 一開始 叫左兩碟牛其中一碟係： 頂級本身手切肥牛：448另一碟係：手切牛頸脊：378由於第一碟實在太好食 所以我地叫多左一碟頂級本身手切肥牛， 可惜黎到既牛係完全吾同！ 我地搵職員查詢， 一開始 職員既答覆係 兩隻碟既顏色吾同 一金一銀 係吾同既部位 然後再有另一個職員表示 因為手切肥牛係師傅覺得邊度最靚 就切邊度 所以碟碟都吾同 ！ 呢點 我係明！ 但不解既問題係1. 兩碟既手切肥牛係咪手切？我多年食牛經驗 睇落就吾似 不過佢切得可能好好！ 我算 ！但點解第一碟（銀色）頂級本身手切肥牛係冇字 但第二碟（金色）頂級本身手切肥牛 會寫左頸脊 ？呢點 係會有小小confuse.2. 手切牛頸脊個碟又寫左 （肉眼邊）？ 可能係附近既位 ?我明白同理解 牛 隻隻吾同 位置吾同 ！ 只係認為成件事都好confuse同黑人問號！如果文字上比較清晰 就更好！ 同埋重點係 錢 吾係問題！ 但第一碟真係好好食 而我地食吾番， 大家都好傷心離開 ！

見凍去openrice 訂位打邊爐。人準時去到話滿坐，你個訂位取消？話message 咗我喎。咁當然無收過啦然後真系見到booking canceled. 不知所為。。。。。。。。

聽講會有寒冷警告🥶 即刻又諗起要打邊爐啦！（呢間連 yoasobi 都去過㗎！）胡椒豬手沙白鍋~豬骨湯底入面有大大件豬手加埋沙白令到個味道更加鮮甜，勁多料好滿足。原粒白胡椒🔥微辣惹味香而不嗆，濃郁嘅湯底再加埋清甜嘅蘿蔔粟米，飲返碗靚湯先打邊爐就最爽皮~打邊爐一定要有靚牛🐮鵝頸橋火鍋嘅本地手切肥牛新鮮，色澤紅潤而且牛味十足~簡單碌一碌唔點醬汁已經夠味~之後蟶子同桂花蚌都好新鮮，鮮味之餘亦都爽口彈牙。佢哋仲有刺身供應㗎，下次有機會再嚟要試下自家制餃子都好味道👅 細細粒但好多餡。食幾多粒都唔怕滯舖頭用咗港式懷舊裝修，紅雙喜餐具同埋大大個戲棚式大花牌好有風味（最正係呢度係點心車仔嚟做醬油車, 好得意好想推返屋企~🤭）。成晚都有好多懷舊經典廣東金曲，真係啲回憶返曬嚟🎼 氣氛一流好啱良朋好友聚會🎈

朋友上次帶我去左間充滿老香港風味的火鍋店 店內的神功戲棚招牌十分搶眼 係店內必定打卡的位置 其他座位都取材自老香港的設計 很有特色的火鍋店👍🏻食物方面 質素都相當出色 花膠雞湯底既花膠味勁濃 東昇斑同手切肥牛都勁正 而且餐廳每日會有新鮮海鮮供應 除左食花膠雞 仲有新鮮海鮮襯靚湯底 真係超正🥰🥰而其他食物質素都很不錯 食物選擇種類好多 而且服務態度都好親切 想同一大班朋友或者三五知己食個有質素的火鍋 就一定要過黎試下喇❤️

餐廳📍 鵝頸橋四季火鍋地址：銅鑼灣謝斐道414-424號中望商業中心地下1-2號舖菜式：港式火鍋適合：朋友聚會價錢：$$$整體評分: 7.5/10回頭指數： 7/10充滿懷舊香港特色，而又鄰近鵝頸橋，店舖名叫鵝頸橋四季火鍋，餐廳內除咗裝修環境都以70 、80年代香港舊式酒樓擺設之外，就連餐廳內播放嘅懷舊音樂、碗筷及杯子都是充滿懷舊風味，而調味料就用左舊時茶樓手推車盛放，各人可按自己喜好任意調味，當中有芫荽、辣椒、生熟炸蒜茸、麻醬、醬油、醋等，所以就算夏日炎炎都有好多客嚟捧場❣️加拿大象拔蚌刺身 時價 象拔蚌刺身擺盤賣相有心思，象拔蚌厚度均等，爽脆滑嫩彈牙，象拔蚌新鮮鮮甜，保留海水風味，口感層次豐富❣️胡椒豬骨沙白鍋 $228 火鍋店每日以二十斤豬筒骨熬成湯膽，而湯中既胡椒味唔會好似外邊飲開咁辣口，更唔會蓋過豬骨湯嘅味道，店員更表示無添加任何味精，配上大大隻又多肉沙白，湯料加入粟米，紅蘿蔔等，令湯十分清甜濃郁，建議打邊爐加食材之前，先飲一碗老火湯細心品嚐👏🏻加分位：火鍋店加湯嘅時候，唔會加白開水，店員會添加豬骨湯，所以唔需要怕湯底越打越淡味。❣️即切潮汕肥牛、牛頸脊、牛胸

在鵝頸橋附近有間以鵝頸橋命名的火鍋店，而這裡中午也會提供午市套餐給一群打工仔。餐廳佈置非常吸睛，一進門口就看到大型戲棚花牌，燈飾、餐桌、碗筷等都帶有7、80年代的復古風格✨麻辣雞煲跟白飯 （$68）一人雞煲份量，份量很足，雞肉質感細嫩，而且非常入味，這裡的小辣並不是很辣，而且雞煲醬汁好正，與專門雞煲店的醬汁可以一比，搭配上白飯一流好難得中午可以食到一人雞煲，而且極之驚喜，倘若有機會一定要試試晚上的火鍋

今日同朋友黎到呢間充滿舊香港特色既鵝頸橋四季火鍋！餐廳入面有一幅1：1既戲棚花牌，而且仲用哂以前街市先見到既紙皮石磚牆、街市紅燈罩囍字碗筷等，成晚都不停咁播八九十年代既廣東話歌，揀火鍋沾醬個時仲係用傳統酒樓既點心車推黎張檯到，真係好有心同好有feel！✨湯底：清甜椰子雞鍋椰子雞湯會有一個即開既新鮮椰青，同半隻雞。一開頭就咁飲個湯，富有椰香，味道清甜，夾雜住鮮美嘅雞味，而且佢唔似普通嘅湯底咁油膩，令人可以無負擔咁享受火鍋。✨即切牛頸脊、牛胸油牛頸脊油花平均，唔會好多脂肪，肉質相對結實有彈性而且肉味亦比較濃。而牛胸油睇落好油好多脂肪，但一啲都唔油膩，反而係好爽口又有濃烈的牛油香味。✨鱔片、脆肉鯇骨腩鱔片好新鮮，食落唔會好腥，肥美脂厚，肉質滑溜，真係一入口就即刻化開左，而且已經去哂骨，食落啖啖肉！如果想食有口感既，可以試脆肉鯇骨腩，份量超多！呢個位油脂比較多，魚肉同魚皮都有厚厚既脂肪，食落口感緊實飽滿帶嚼勁。不過就比較多大骨，要慢慢食～✨紙豆腐、即炸響鈴即炸響鈴真係新鮮熱辣炸出黎，但係一啲都唔會油膩，用黎打邊爐吸哂啲汁真係好啱。紙豆腐其實姐係好薄，又整乾左既腐竹，輕輕咁放落火鍋到三秒就食得，

我哋揀咗要懷舊生鍋（中鍋）（$780）而呢個套餐就包括咗18種火鍋配料+海鮮咁首先講咗我哋揀咗咩湯底先啦我哋就揀咗鴛鴦湯底🤔🤔（香濃沙嗲湯底+清湯豆腐什菌湯底）沙嗲湯聞落去同埋食落去都好濃郁😚😚（擺響鈴落呢個湯底真係好正‼️‼️）豆腐什菌湯味道相對地就比較淡嗰啲海鮮擺落呢個湯底嘅話就會比較食得出佢嘅鮮味有時食吓沙嗲湯有時食吓什菌湯就可以中和一下嗰個味道咁之後就講咗佢嘅肉類先啦本地手切牛肉同埋手切牛小排食落去牛肉味真係好濃郁❤️❤️食落去亦都覺得幾滑嫩手切牛胸油食落去幾爽口😆😆豚肉片食落去亦都唔會覺得好乾而且食落去幾煙韌咁跟住就講吓佢嘅海鮮啦海鮮就主要有脆肉鯇魚骨腩/片、大沙白、海蝦、花枝片同埋鮑魚全部海鮮食落去都幾新鮮👍👍（因為海蝦同埋鮑魚送上嚟嘅時候係仲會識郁嘅😱😱）我自己就比較鍾意食花枝片同埋鮑魚😋😋因為佢哋食落去真係幾彈牙之後就講吓其他我自己嘅鍾意嘅配料啦我自己幾鍾意佢哋嘅牛丸濃汁貢丸😝😝因食落去真係幾煙韌+Juicy自家製雲吞味道亦都唔錯😙😙我幾鍾意佢嗰個雲吞皮唔會太厚