強小亭

Open Now

Now Closed

返完鄉下又掛住鄉下可以點？！緊係搵間正宗日餐去解思鄉之情啦！今次嚟到強小亭，一入到餐廳就知道冇揀錯，坐位夠寬敞、裝修好細緻，坐另一邊嘅仲係日本人添，聽住靚女侍應嘅日文對答真係滿滿解開嘅思鄉之情！嚟到食物，喺香港要食到好食嘅漢堡扒唔係易，不過一入嚟坐低佢比到好大嘅信心我，所以第一道菜就揀咗「A5和牛漢堡扒」，由前菜核桃小魚乾、沙津到茶碗蒸樣樣都一絲不苟，和牛漢堡扒完全喜出望外，我覺得直頭好食過日本添呀！咬落夠晒鬆軟多汁，就係呢個感覺！飯係用嘅係鳥取星空舞米，直頭令我諗起鳥取嘅星空同肉眼都可以望到嘅銀河，真係好浪漫好有畫面呀！另一道菜揀咗「特選A5和牛燒肉配涮涮鍋」，每日來貨都會唔同，所以食到咩肉就要睇緣份嘞！我今次真係心心眼，因為有丸芯 マルシン、フランク腹脅肉同カイノミ腰脊肉，丸芯係大腿內側嘅位置，肉質細嫩、油脂分布均勻，腹脅肉係牛腹近牛肋嘅位置，牛味濃郁夠晒鮮味，腰脊肉係中腹接近腰脊嘅部位，三款肉都係稀有部位，配埋鳥取藻鹽同星空舞米真係一大享受最後加埋呢個暖笠笠嘅玫瑰芝麻糰子為呢餐做個完美嘅句號。