Miso (Closed)

餐廳分鐵板燒及壽司吧兩區，地方唔算寬敞，時常客滿。裝潢較一般日本餐廳fashsion，貫切美心走嘅新派路線。龍蝦刺身：做緊promotion，$128一隻。龍蝦size雖然唔係好大，但好新鮮，上碟時蝦鬚仍在動。肉實結實鮮甜，good！另外，因我們叫了一窩蟹粥，餐廳亦主動安排將龍蝦頭用來煲粥，值得加分。錦繡壽司：$198有八件，款式有三文魚、吞拿魚、劍魚、帶子、三文魚子、蟹柳等等，價錢唔算平，但質素OK，刺身表面有光澤，味道新鮮。壽司飯則做得略遜，一夾較易散。薄切西冷牛肉燒：薄切西冷味道唔錯，肉片雖薄，但有肉香。肉卷內裡包着露荀、蒜片等食材，亦能增添美味。銀雪魚燒：銀雪魚本身香味欠奉，肉質亦一般，麻麻喎！錦繡天婦羅：有蝦、魚、茄子、南瓜等等。炸粉厚咗DD，控油功力OK，屬中等水準之作。海鮮窩：用料足；湯底微辣，幾惹味。蟹粥：用料足，味道不錯；龍蝦刺身中的龍蝦頭尚有頗多肉食，用來煲粥實是最好不過。