鮨吟 (Moved) New Location

第三次來，今次終於決定寫食評。Sushi Gin算係我食過的高級壽司餐廳當中，性價比頗高的一家。用料新鮮而且份量大方，試過晚餐omakase係食到非常非常飽（但好滿足），Lunch 九件套餐就啱啱好。我鍾意Sushi Gin其中一樣野就係佢既配搭，除左魚本身，佢大部分壽司都會配搭唔同調味，令成見壽司既味道昇華。剝皮魚同深海池魚搭配魚肝，金目鯛同鰤魚配上唔同調味既蘿蔔蓉，池魚配上好香既麻油，燒魚邊配上黑松露，每次配搭我都覺得恰到好處。當然有D人會鍾意食D無咁花巧比較傳統既壽司，我個人覺得各有千秋。傳統既可以比較食到純正既魚味，而Gin既做法可以做d平衡甚至昇華既效果。三次黎都覺得非常滿意，以後應該都會繼續黎～