鐵牛台灣牛肉麵 (翡翠中心)

Open Now

Now Closed

中環翡翠中心開左幾間食肆，一到lunch time 就好多人，要排隊搭lift，鐵牛就係其中一間要大排長龍既餐廳。環境好闊落，坐得都幾舒服。鐵牛主打台灣菜，當然唔少得紅燒牛肉麫同肉燥飯。紅燒牛肉麫有質素，牛肉嫩滑、牛筋炆得夠稔。麫質相對普通，唔夠彈牙。有d台灣餐廳會用刀削麫，比較有口感。燒雞腿扒便當值得推介，雞同配菜分開上，一碟碟好有儀式感。雞扒略嫌咸左少少。肉燥飯唔錯，夠多汁，半肥半瘦。我最鍾意就係魯蛋同菜甫，蛋入晒味，但又唔會過咸，菜甫爽口又開胃。一個set都係$70-80，係中環黎講唔算貴。