大山日本料理

Open Now

Now Closed

放工同朋友行完旺角新開的Aeon, 又係諗食咩嘅時候，當我地仲諗緊，抬頭一看就見到大山日本料理，好似幾吸引，見價錢合理，就決定試下啦。裝修都很有日本居酒屋的感覺，座位闊落，很舒服。我地主要叫左一個丼飯加小食。極上北海道帶子丼有三文魚，帶子，赤蝦，三文魚子和甜蝦，非常豐富，所有刺身都很新鮮肥美，很滿足呢！牛肉壽喜燒湯底甜度適中，牛肉薄切得黎好大塊，入口嫩滑。娃娃菜吸晒湯的精華，加埋滑滑的豆腐，好好味。三文魚腩刺身入口即溶的三文魚腩，性價比高，啖啖魚油，估唔到咁平價都食到咁高質的三文魚腩。雞皮餃子炸雞皮就食得多，雞皮餃子就第一次食，感覺有趣。餃子煎到金黃色，非常香脆。