Video
Read full review
2024-12-30
1282 views
今次要介紹嘅係旺角嘅焼肉スマイル (燒肉smile)。燒肉smile台灣年銷售120萬份嘅超人氣燒肉店，更曾榮獲2022台灣網絡人氣NO.1🥇。一去到文華商場嘅一樓，發現原來燒肉smile附近都係築間集團嘅店，築間幸福鍋物/築間台灣鹹酥雞，好多選擇😛。依間燒肉店嘅價錢範圍好廣🔍，平日午市雙拼套餐最低$128，正餐單拼套餐$168、雙拼套餐$178起！而且包任食生菜及韓式小菜自助吧，套餐仲要有包飲品，甜品，真係幾抵食⭐️。一開始點完餐嘅時候可以出去自助吧攞啲小菜食吓，每款都幾有水準，推薦個薯仔沙律🥔🥙，口感好綿密，甜甜地都幾開胃。牛肉盛合套餐 $238如果有選擇困難嘅，建議可以揀佢地嘅盛合套餐，因為每個套餐都有幾款唔同嘅肉類，啱晒乜都想試吓嘅人。今次揀左牛肉盛合套餐🥩，有牛小排 40g 、橫膈膜 50g 、厚板腱牛 80g 、牛肋條 50g 、牛舌 40g，一次有5款唔同嘅牛🎉！每一樣燒完都好香牛嘅肉味同油脂香，個人最鍾意牛肋條同牛舌🤤，牛肋條比想像中稔一咬就斷，牛舌食落好彈牙爽口，如果燒耐少少仲會令到個邊位變脆，好滿足。超值八選二套餐 $128有提供八款主餐入面可以揀一至三樣，今次就揀左
一去到文華商場嘅一樓，發現原來燒肉smile附近都係築間集團嘅店，築間幸福鍋物/築間台灣鹹酥雞，好多選擇😛。
依間燒肉店嘅價錢範圍好廣🔍，平日午市雙拼套餐最低$128，正餐單拼套餐$168、雙拼套餐$178起！而且包任食生菜及韓式小菜自助吧，套餐仲要有包飲品，甜品，真係幾抵食⭐️。
一開始點完餐嘅時候可以出去自助吧攞啲小菜食吓，每款都幾有水準，推薦個薯仔沙律🥔🥙，口感好綿密，甜甜地都幾開胃。
牛肉盛合套餐 $238
如果有選擇困難嘅，建議可以揀佢地嘅盛合套餐，因為每個套餐都有幾款唔同嘅肉類，啱晒乜都想試吓嘅人。今次揀左牛肉盛合套餐🥩，有牛小排 40g 、橫膈膜 50g 、厚板腱牛 80g 、牛肋條 50g 、牛舌 40g，一次有5款唔同嘅牛🎉！
每一樣燒完都好香牛嘅肉味同油脂香，個人最鍾意牛肋條同牛舌🤤，牛肋條比想像中稔一咬就斷，牛舌食落好彈牙爽口，如果燒耐少少仲會令到個邊位變脆，好滿足。
超值八選二套餐 $128
有提供八款主餐入面可以揀一至三樣，今次就揀左兩款（美國熟成牛花腩80g，豚五花腩 80g），都只係$128，真係好抵🤩
牛花腩食落油香味好重，再配埋套餐送嘅飯一齊食，降低返個油膩感，好味。豚五花腩燒嘅時候，賣相已經好吸引，油脂部分燒到金黃色，未食已經流口水🤤。食落好香豬肉味，而且好有咬口，但又唔會過韌。
另外單點左蔥鹽薄切牛舌 $88 同干貝 $48
牛舌份量好多而且每塊都好大片😍，肉質柔軟爽口，燒嘅時候搭配蔥鹽一齊燒，令味道更豐富，蔥鹽嘅清香同鹹味同個牛舌好match，值得一試🙌。
干貝都有成8粒，每粒都好大粒，味道鮮甜，口感彈牙，燒完好有驚喜，估唔到都仲有好多肉汁，好juicy💦。
每個套餐都包左一碗飯同湯，可用優惠價加購野飲同甜品。要特別讚下佢個焦糖布蕾🍮，嚟果陣個碗仲係熱嘅，相信係啱啱用火槍燒完啲焦糖就即上。食落好滑好順口，加埋焦糖嘅焦脆口感又再上一個層次。
Post
