Video
Read full review
2021-04-29
4180 views
生日正日去咗食八寸嘅omakase滿心期待嘅omakase店舖入面俾其他omakase餐廳較暗。Bar枱嘅位有6個，但疫情關係所以當晚只有4個客人坐Bar枱前菜款式有酒煮東風螺，肝臟同魷魚仔。東風螺唔會太韌，個汁甜甜地肝臟我自己本身唔係好食內臟但都試咗，入口唔會有太多腥味臭味，所以可接受。魷魚仔配咗甜甜酸酸既芥末都幾開胃。第三道就已經係火炙嘅刺身，燒過嘅魚皮帶啲油香味，唔需要刺身豉油都感覺不錯。再嚟就係個蠔，本身自己都好鍾意食生蠔。所以蠔味重嘅生蠔或金屬味重都可以接受。呢個生蠔比較淡身，少甜少回甘感覺清新。再下一道又係魷魚，但呢個就係刺身。本身已經調配咗醬汁再加少少姜蓉。姜嘅辣味刺激味蕾但同魷魚唔太夾。螺片刺身，師傅話可以試下吱少少青檸汁或者好似平時咁夾豉油wasabi。青檸汁配螺片其實好fresh食到螺片本身既甜味。又係火炙刺身（已經唔記得咗係咩魚，師傅每次介紹都好細聲）但呢款魚嘅油味比前菜嗰款再重一啲。蝦刺身，本身蝦係鮮甜下面仲有蝦膏係幾出色。上面嘅辣椒點綴可以唔需要。吞拿魚三重奏——赤身，呑拿魚腩，火炙大呑拿魚腩。正常呑拿魚，不過又係火炙好似冇好大嘅變化。磯燒鮑魚配咗蟹膏燒，但蟹
滿心期待嘅omakase
店舖入面俾其他omakase餐廳較暗。
Bar枱嘅位有6個，但疫情關係所以當晚只有4個客人坐Bar枱
前菜款式有酒煮東風螺，肝臟同魷魚仔。
東風螺唔會太韌，個汁甜甜地
肝臟我自己本身唔係好食內臟但都試咗，入口唔會有太多腥味臭味，所以可接受。
魷魚仔配咗甜甜酸酸既芥末都幾開胃。
第三道就已經係火炙嘅刺身，燒過嘅魚皮帶啲油香味，唔需要刺身豉油都感覺不錯。
再嚟就係個蠔，本身自己都好鍾意食生蠔。所以蠔味重嘅生蠔或金屬味重都可以接受。呢個生蠔比較淡身，少甜少回甘感覺清新。
再下一道又係魷魚，但呢個就係刺身。本身已經調配咗醬汁再加少少姜蓉。姜嘅辣味刺激味蕾但同魷魚唔太夾。
螺片刺身，師傅話可以試下吱少少青檸汁或者好似平時咁夾豉油wasabi。青檸汁配螺片其實好fresh食到螺片本身既甜味。
又係火炙刺身（已經唔記得咗係咩魚，師傅每次介紹都好細聲）但呢款魚嘅油味比前菜嗰款再重一啲。
蝦刺身，本身蝦係鮮甜下面仲有蝦膏係幾出色。上面嘅辣椒點綴可以唔需要。
吞拿魚三重奏——赤身，呑拿魚腩，火炙大呑拿魚腩。正常呑拿魚，不過又係火炙好似冇好大嘅變化。
磯燒鮑魚配咗蟹膏燒，但蟹膏本身味濃淹蓋咗鮑魚嘅味道。
壽司嘅部份，可算係失望之中嘅失望。壽司最緊要嘅醋飯⋯⋯食緊其他刺身嘅時候都冇見到師傅煮飯或者打飯。反而見到佢將用剩既醋飯放入微波爐叮⋯⋯十分失望。食材新鮮但醋飯唔得，壽司唔會好食得去邊。
最後用魚湯做結尾，鮮甜又冇腥味。
總結一下，整體嚟講食材係新鮮，但醋飯嘅事成為咗成餐飯嘅一個敗北位，所以性價比唔高。可能只係當晚有咁嘅情況，但應該唔會再去。
（全晚食咗17樣野連甜品，相片未能盡錄。）
Post
