偉偉川菜 (兆安大廈)

Open Now

Now Closed

餐廳的裝修是街坊路線，一張張長枱排排坐，張枱比較高，坐得唔係幾舒服。叫咗兩個午餐，包一碗白飯同一罐汽水。餐廳用QR code自行落單。午餐嘅價錢都要80幾蚊一個，青椒魚，比較清淡，幻想以為會有青色嘅花椒，原來係青色嘅辣椒，冇咩麻辣味。不過魚肉都算多。啲魚肉都幾滑。另外一個就回鍋肉，比較油膩。蔬菜比較多，肉比較少。以餐廳嘅裝修同埋服務嚟計，應該係同茶餐廳同一個級別，但係價錢就比較高。雖然味道ok但唔算抵食。絕對唔係食完可以坐下個種餐廳，係開工食完嗱嗱聲走嗰種。餐廳只收現金，任何信用卡八達通支付寶所有都唔收。