金牌海鮮火鍋 (Closed)

朋友話呢度嘅牛雜煲好正，於是一行六人到這裡。牛雜果然好味，尤其牛粉腸，又腍又入味。但最惨係肥牛唔掂！店員推介極品安格斯手切牛頸脊，就叫呢樣，點知……牛肉味有，但非常“鞋“口！而且一睇就知不是手切。另外友人推介花雕牛，都幾香，但二百幾蚊得幾片！友人問店員點解咁細碟，是否分大小size?店員說只有一種，是這樣的。友人說之前食過幾次，都係大碟啲嘅，店員就話個師傅確係今日新嚟，可能唔知份量，跟著收番碟牛，換過碟大啲嘅！ 最搞笑係，友人臨尾追加午餐肉，冇睇餐牌，就咁叫個店員加。食完先知，呢碟午餐肉價值$128，因為係加拿大的我反而覺得屋企嗰隻中國白豬仔午餐肉仲好食！不過呢度嘅響铃同餃子就好味。可惜我係牛魔王，牛肉唔掂，唔會再嚟。六個女仔，冇飲嘢，都每人400，唔抵。