鮮一夜火鍋 (Closed)

13/7/2018 book13位，點左一夜皇御套餐，其實價錢吾算乜問題，但食物品質同服務真系麻麻地，第一：花膠翅，味淡冇質感，懷疑溝多左水；第二：鵝掌鮑魚，一樣系冇味，鮑魚直頭吾入味；第三：刺生併盤，雪味重，份量又小，每人每樣食一件；第四：雞煲，份量小，冇得添，要添要加錢，啲雞煮得冇味又吾夠汁，仲要鞋口；第五：打邊爐，後加湯底溝淡原本嘅湯底，送果個航母海鮮併盤得，蜆同貴妃蚌，仲有基圍虾，全部下價野，又吾覺有乜咁航母級，仲要每人得一件，不過基圍虾有得再添，牛肉冰鮮左，冇乜牛味，又吾系手切，好心吾好話乜安格斯啦，其他火鍋配料都好一段同吾夠鮮；第六：服務，上菜慢，但今晚已經吾爆，食完雞煲轉火鍋超耐，起馬有10分鐘以上，清枱又慢，叫職員攞兩對公筷，結果No show，最後要食自己，總結呢間野真系屎坑關刀，乜都吾掂，冇下次咁囉