Ruby Tuesday (MegaBox)

Open Now

Now Closed

上次係百佬匯買野，送左一張ruby Tuesday 既coupon有6折，於是黎試下，星期六中午黎冇咩人，有得坐卡位，可惜唔提供水，店舖比較陰暗，叫侍應都比較難。見到menu d價錢真係嚇一嚇，我地叫左一個classic cheese burger $198，一個fried chicken burger $198，好彩有6折，正價真係好貴。牛肉可以簡幾成熟，我就簡左7成熟，幾厚幾大舊，切落去有汁流出黎幾juicy，配cheddar cheese 幾夾，但係擺耐左有d乾，快d食哂會好d，包皮有烘過，脆身好食，薯條夠乾脆都唔錯，仲有一小碟沙律仔冇咩特別。中間炸雞其實冇咩特別，少少似麥當勞既脆辣雞腿包，但係都好食脆身，少少難氣，中間有一片煙肉正常味，唔太油，芝士味冇cheese burger 個隻咁出，包皮黑色，但其實冇味，唔係好抵食。整體黎講，性價比低，雖然好食，但正價太貴，6折之後都勉強可以，仲要加一，埋單$270，成餐都好飽，但覺得只有牛肉值回票價，呢個價錢出面好多選擇，試過一次就夠，唔會再幫襯。