相馬日式火鍋 (Closed)

一位成人晚餐任食蟹加一 埋單五百幾 啲蟹好細隻 而且間中會有一兩隻係唔新鮮嘅 環境就真係麻麻。梳化度仲有上一手食剩嘅食物碎同油漬。地面都感覺好潮濕。枱底地下佈滿電線。而且數量奇多，我當日係踩住啲電線用餐 因為對腳冇地方擺 其實我都好擔心安全問題用嚟裝食剩嘅蟹廚餘嗰個鐵桶內竟然嚴重生銹。好好奇點解佢唔用膠筒代替．．但佢強迫你要放個桶喺枱面。如果唔係就唔會幫你收廚餘。唔覺意望一眼都真係幾影響胃口。有兩位女侍應。其中年紀大啲嗰位講嘢語氣10分唔耐煩。總體感覺唔係咁良好。因為距離我屋企近 先去試吓。懷着滿心歡喜而去帶着失望而回。就係我今次嘅用餐體驗。