Video
Read full review
2023-04-02
150 views
難得同朋友約到星期五晚飯聚，想試吓搵間靜啲食得開心啲嘅餐廳。朋友介紹官塘區呢間樓上中餐八分廚，每晚只開一枱，而且有花膠有海鮮每人都唔使五百蚊，WhatsApp 去訂枱，結果 book 到星期五晚，一行十人去開飯。雖然地址喺廠廈，但係入到去裝修格局好似入咗另一個世界咁。餐廳一張大枱，仲有張小梳化，十個人入去好闊落，坐得舒服。一坐低老闆問我哋睇電視定聽歌，點埋飲品後閂埋咗度間門，畀我哋傾下計，人齊坐咗十至十五分鐘就開飯。今晚因為第一次嚟，菜單點嘅係佢哋嘅花膠宴，成餐飯有三個花膠菜式，最有印象係一開始位上嘅花膠鮑魚，同埋最後個甜品。花膠鮑魚裏面有好大嚿花膠，朋友話好味之餘，仲要留返剩返啲汁撈飯；最後個甜品花膠啫喱，餐廳話係原創食品，街外冇得食，個甜品好清爽，裏面嘅花膠少少彈牙，再加少少蜂蜜，啲幾個女性朋友可以話係秒殺咗個甜品（甜品一嚟朋友剩係掛住食，相都冇影到...）。其他菜式大部份係手工菜，煮法同味道係似細個食嘅中菜嘅，大廚話佢哋唔落味精（朋友有味精敏感，第二朝早喺 wts grp 話完全冇問題），開舖都係想將順德菜同舊有傳統味道煮返出嚟，例如佢有個鍋貼小棠菜，喺出面一啲老字號或者高級啲嘅
雖然地址喺廠廈，但係入到去裝修格局好似入咗另一個世界咁。餐廳一張大枱，仲有張小梳化，十個人入去好闊落，坐得舒服。一坐低老闆問我哋睇電視定聽歌，點埋飲品後閂埋咗度間門，畀我哋傾下計，人齊坐咗十至十五分鐘就開飯。
今晚因為第一次嚟，菜單點嘅係佢哋嘅花膠宴，成餐飯有三個花膠菜式，最有印象係一開始位上嘅花膠鮑魚，同埋最後個甜品。花膠鮑魚裏面有好大嚿花膠，朋友話好味之餘，仲要留返剩返啲汁撈飯；最後個甜品花膠啫喱，餐廳話係原創食品，街外冇得食，個甜品好清爽，裏面嘅花膠少少彈牙，再加少少蜂蜜，啲幾個女性朋友可以話係秒殺咗個甜品（甜品一嚟朋友剩係掛住食，相都冇影到...）。
其他菜式大部份係手工菜，煮法同味道係似細個食嘅中菜嘅，大廚話佢哋唔落味精（朋友有味精敏感，第二朝早喺 wts grp 話完全冇問題），開舖都係想將順德菜同舊有傳統味道煮返出嚟，例如佢有個鍋貼小棠菜，喺出面一啲老字號或者高級啲嘅中菜館先有得食；另外烤雙方，係從前宮庭菜嘅菜式之一，鹹鹹地甜甜地有蜜汁火腿有包有炸腐皮，出面好少食到，值得試吓。
大廚間中會出嚟問我哋夠唔夠食，又會解釋吓啲餸菜有乜特別，但大部份時間都只係我哋一圍枱人傾計食嘢，私隱度可以話好高（講嘢唔怕嘈到人），而且最後埋單計埋汽水飲品真係每人五百唔使落到樓，佢哋冇加一冇開瓶費，成個環境，食物水準，服務都只係呢個價錢，喺出面酒樓叫豪啲都唔只，而且大廚話呢個「基本版」花膠宴見唔到佢功夫，叫我哋下次嚟可以試吓廚師發辦。
今次係一個開心嘅飯局，所以想介紹一下呢間官塘嘅小店。
花膠鮑魚位上
3 views
0 likes
0 comments
烤雙方
5 views
0 likes
0 comments
豉油皇虎蝦
10 views
0 likes
0 comments
欖豉蒸花尾躉（有樹子揀，台灣頗流行的食材，下次試）
8 views
0 likes
0 comments
蟹肉節瓜圃
9 views
0 likes
0 comments
蠔仔肉碎泡飯
13 views
0 likes
0 comments
Other Info. :
餐廳好注重開飯時間（例如 book 咗六點半，如果最後七點先齊人可通知改時間），我哋去到佢就問係唔係準時，唔得嘅可以立刻通知，因為佢哋好注重啲菜式出嚟嘅時間，驚一上碟要等就會打折扣...睇佢哋對食物有一定堅持。:)
(The above review is the personal opinion of a user which does not represent OpenRice's point of view.)
Post
