八分廚

Open Now

Now Closed

一日喺觀塘街上接過午餐傳單，順便一試。餐廳環境細細，只有一張大枱及一張四方細枱，原來晚市主打私房菜。午市有抵食套餐，今次叫左雞湯花菇花膠煲配白飯。湯底好清甜，花膠唔淋身有咬口，花菇浸左湯底夠鮮味。成煲都無肉類，本以為唔夠飽，原來配飯食再飲埋湯好滿足。店員好仔細介紹餐廳，又送我哋自家製醬汁，配飯一流。最後又送我哋自家製花膠甜品，口感似爽口大菜，味道唔太甜，正！有機會嚟試試佢哋嘅私房菜👍

觀塘私房菜多不勝數，但論環境氛圍、食品質素、熱情招待，實無出其右！每晚只招待一席，合符「私房」的要求，最適合諸朋久友把酒言歡。工業風裝飾，襯托廚師Joe 兄妙筆生輝之畫作，渾然不覺置身舊式工廈，較諸一般中式酒樓，更添雅興。當晚點嚐招牌花膠宴，每道菜式均見心思，最為眾友驚喜的竟不是滋味的花膠燴鮑魚，而是「普通」菜式富貴烤雙方，炸三疊響鈴配蜜汁火腿，提升層次感。其他菜式雖昂貴食材，但烹調用心，令人回味不已。期待下回精彩菜譜面世！

服務態度一流食物質素好 有驚喜份量充足 一定好滿足咁走老人家十分喜歡 都係手工菜泡椒魚皮拌海蜇皮蛋 配搭很好味道帶少少麻辣 非常開胃富貴烤雙方 有驚喜味道同口感嘅配搭好豐富鍋貼小棠菜 見名以為普通嘢一上枱同食落口都有驚喜 外脆彈牙鹽焗手撕雞 滑 味道適中蟹肉扒節瓜脯 節瓜好甜配蟹肉一流黃金炒飯 乾身 粒粒分明甜品 花膠貴蜜菓凍 清甜另上蜜糖 同桂花味好夾老闆全程都服務周到會介紹不同菜式照顧不同嘅需要雖在工廈有獨立廁所一晚一枱 適合一班人歡聚值得回頭嘅香港小店

由門口開始已看得出 好有心思既裝修（雖然大廈大堂一般），入到去有2個吊燈，同埋只接待我地一班人，分了2枱，令成件事高級左。不會有一些唔識既人，再加上播一d輕鬆既英文歌，整個感覺好好。朋友帶了好多酒上來，唔洗開瓶費，真係超抵。開始上菜了，食了前菜，再來個湯，之後再位上花膠鮑魚。頭幾樣已好好味。點知之後再上左幾道菜，全都係特色菜。廚師還會走出來同我地介紹菜式來由及食法，十分窩心。我最鍾意果個富貴烤雙方，同埋欖豉蒸魚。果個我地有人生日，切蛋糕，幫我地切埋。同埋主動介紹邊個位置影相好，看得出佢地好重視客人消費感受，值得比個Nice。

位於工廠區但位置唔難搵野好食 湯足料份量夠 用心製作環境好 乾淨企理一晚一枱 容納到10至12人唔怕講野太大聲嘈到人老闆nice仲會簡單介紹每道菜式無開瓶費 可自帶酒水適合一班人聚會

同屋企人做冬， 今次再次幫襯， 之前食過一次花膠宴，今次廚師發辦， 絕對有驚喜！老人家尤其食得好開心 ，因為老闆和廚師懂得老人家口味和習慣， 所以每道兼都會因應佢哋嘅需要調教份量，味道和軟硬度， 絕對值得一讚！ 老闆 招呼好好， 十分親切有禮貌， 廚師亦會經常出嚟介紹菜式，與大家分享煮餸心得 ，真係獲益良多！ 菜式方面，雖然我唔係食家 ，但係睇到老人家食得咁開心，都知道唔係渣嘢！ 我自己就好喜歡蟹粉炒年糕， 台式三杯鵝和沙薑煎焗龍躉腩！ 由於老闆和表哥是熟朋友，老闆話因為係自己人嘅關係，所以先特別做呢個蟹粉炒年糕，因為實在太花時間整，以商業角度絕對唔化算😄

平實的材料，但廚師的手工及用心製作令人驚喜不已。最欣賞係富貴烤雙方，鍋貼小棠菜，醬油黑松露流心蛋。每一款菜都運用新鮮或本地材料，經廚師用心挑選，食出不一樣的味道。富貴烤雙方，配有一般食肆的蜜汁火腿方，還有廚師用心脆炸三層的腐皮方，與包一起品嚐，層次立即升華，食完令人喜出望外。鍋貼小棠菜，用新鮮的鯪魚滑製作，非常彈牙，10分有驚喜。特別欣賞所有用的醬料，特別係麻辣醬，廚師自己用心製作，為每一道菜式添上了另一番味道。服務一流，地方舒服。

觀塘食過不少私房菜，大都會有幾檯坐在一大廳，有點嘈雜。呢間私房最堅，8位起，但真係只招呼一檯客，全晚朋友可以高談闊論，自在地享受宴席，不怕影響別人，食得很盡興！食物方面，整體質素很好。海蜇魚皮爽脆，香辣醒胃。花膠燴鮑魚，吃罷有骨膠原張著口。富貴烤雙方，除一般食肆有的蜜汁火腿方，還有脆炸腐皮方，層次立即昇華。自家製欖豉醬蒸花尾躉，醬料餘香回甘，買了一樽回家享用。豉油皇虎蝦、鍋貼小棠菜、鹽焗手撕雞都很美味。甜品是加了花膠的桂花蜜凍，坊間少有，能平衡兩種材料，甜度適中，讚！由於吃得太開心，完全沒有為食物拍照。面對用心的美食，襯新鮮我食先至為重要。I'll be back

為慶祝父親大人生日,想找一間私房菜,無意之中訂了八分Bravo.是日定的是 花膠宴冷盤凍 泡椒魚皮半海蜇皮蛋冷盤做得非常好， 自己喜歡吃辣我覺得辣度適中，但有家人不吃辣就覺得非常辣。花膠羹， 不過不失花膠會鮑魚， 花膠淋滑鮑魚有彈性主菜有富貴烤雙方，這道菜有炸腐皮，配搭 蜜汁火腿和刈包非常好吃。豉油王虎蝦，水準以上。鍋貼小棠菜， 家人非常喜歡這味菜。手撕雞， 配上他們自家製麻辣醬非常好吃。欖豉蒸花尾躉， 這道菜也配上他們自家製的欖豉做得非常好。蟹肉節瓜脯， 正正常常。炒飯， 正常。花膠果凍， 幾特別，花膠沒有腥味，可以一試。如果你想找一個私人聚會地方，這家餐廳是一個不錯的選擇。味道服務，均是水準以上。

我們今餐吃的並非山珍海味，也不是甚麼貴價食材，但好處就是夠新鮮和純粹，憑藉天然的味道已經足以令我們回味無窮，例如那一大鍋八寶素湯， 即使是素菜沒有下肉，但仍能將黃瓜紅蘿蔔合桃粟米等材料，煲出極鮮甜的味道來，果然是值得廚師自豪的好湯水。據知它們還有很多拿手好菜，真的要擇日再來。女大廚很有性格，也極為樂意與我們交流烹調心得，並悉心介紹各道菜式的特點及獨特之處，令我們在品嚐美食之餘，也大大增加烹飪知識。值得一提的，就是店主富有熱誠和好客，為我們提供超值優質美食之外，招呼更是體貼有禮，給予我們各人極好印象，有賓至如歸的感覺。我們自 自攜酒水，店主不但毋須我們付開酒費，甚至特意搬出他的精美醒酒器具給我們使用，並不時替我們添酒和主動跟大家談笑，就像招呼至愛親朋一般的周到，真令人感動！一定要擇日再來！！

本周相約好友去八分廚Bravo HK Kitchen飯聚，好有驚喜，地方雖然不大但係只有我地一枱，原來店主希望嚟嘅客人可以盡興，沒有人騷擾，所以每次只招呼一枱，唔似其他地方有時大聲講大聲笑都怕騷擾人，大家十分開心可以講乜都得。今次我地有前菜、頭盤、主菜、飯最後仲有唔少得嘅甜品作結，非常滿足。前菜：台式涼伴、蝦粒長春卷，涼伴清爽開胃，長長春卷脆脆送酒之選，未齊人食住等。。正。頭盤：花膠燴鮑魚，呢道菜不得了，原盅上，炆得好入味好腍，食到大家舔舔脷。主菜實在太太太多好味嘅菜式，欖豉蒸花美躉用咗自家制嘅欖豉，欖豉好惹味，條魚蒸得剛剛好，欖豉實在太好味都買咗樽返屋企看門口，得閒蒸下排骨炒下餸一流。京川牛𦟌腍滑，燘得唔好會死實，但廚師做得好腍滑，佢仲要好細心怕有人唔食得辣將秘制辣汁分開上，照顧唔辣得嘅人。細心另外好味嘅係蟹肉扒節瓜脯，看似好普通，但由買相開始就唔簡單，我以為係圓碌碌一人一個，點知出嚟原來係一條條，節瓜入味蟹肉鮮甜，夏天食清新。廚師靚女廚藝出色，大家都食得開心，傾得開心好䀆興，一定會再來，因為廚師靚女會定期推出新菜式，大家超期待下次可以食乜嘢

老闆應該係超級影迷，仲好熟歐洲電影，店內飾以大量經典電影海報與及 pop art 藝術品。然後當大廚端出精緻的美食，你就知道何謂惺惺相惜 — 高尚的品味要靠尖端的廚藝去實現。直至最後一道蛋炒飯，仍是一絲不苟，粒粒金黃的功夫菜。推介菜色富貴烤雙方、鍋貼小棠菜。

20/6/2023 好開心既一個晚上！今晚食既呢間私房菜： 八分廚，每樣菜式都好岩食🤤🤤如果一定要揀一款，我個人特別喜歡菊花松子魚，炸過既魚外層脆卜卜，但魚肉仍然可以好juicy，醬汁酸酸甜甜好岩夏天食😋😋 大廚精心製作每道菜式，更加會預先詢問大家既口味（濃味 vs 清淡）為客人帶來獨特得黎又會岩口味嘅菜式😎😎，唔怪之得我encore左幾次啦🤭前菜：泡椒魚皮（魚皮爽脆，混合埋皮蛋、海蜇再配上一個微辣醬汁，絕對係一個涼拌前菜佳品！）湯：八寶素湯（雖然係齋湯，但都係非常清甜！飲完覺得暑氣全消👍👍）主菜：百花釀蟹鉗（功夫菜，口感彈牙，配上新鮮沙律菜以及有胡麻醬 or 甜酸醬選擇，使蟹鉗既油膩熱氣感覺大大減低）富貴烤雙方（非常精緻嘅菜式，出面食過都只係會有刈包拌以蜜味金華火腿～～但大廚將這名菜重現眼前！她將腐皮逐塊炸到鬆脆，再加埋刈包及蜜味金華火腿，層次感立刻提升🤩🤩）花甲蟹肉蒸蛋缽（大大隻花甲鮮甜肉爽，而且清潔乾淨冇沙👍👍 蟹肉混入水蛋當中非常鮮甜，立馬將蒸得嫩滑無比既水蛋增加鮮味）菊花松子魚（上面已經介紹咗）八分啤酒鴨（經過煮完既啤酒只留下香味，多食2件鴨都唔會醉～～）順德生菜包（同平時

我最近嘗試了這間位於觀塘的「八分廚」私房菜，感到喜出望外。首先，「八分廚」烹調的花膠燴鮑魚以位上，味道很好，感覺很新鮮。另外，套餐的鍋貼小棠菜煑得脆卜卜，不油膩，十分可口。還有，甜品花膠桂蜜菓凍嘅甜度剛好，不會太甜，而且賣相很有特色。整體而言，我可以感受到這私房菜係用心❤️去烹煑和做事。在「八分廚」食飯係包場的，因為據負責人講，佢哋很重視客人，每晚只會專注招待一枱客人。這裏環境很骨子，用饍的感覺非常良好。我定會再次幫襯「八方廚」。👍🏻（同場加映：我暗地裏到訪咗呢度嘅廚房，發覺擺設整齊，衞生環境極好，抵讚👍🏻！）

廚師專業既態度令我不得不上黎評下。e間私房菜係玩質素，前菜係一個中少辣既魚皮皮蛋涼拌，味道出奇地合拍。湯羹足料而不膩。其中一道菜好特別（唔記得乜名），用一個似蒸饅頭既包夾蜜糖咸火腿+炸腐竹，高級享受。蒸魚個醬汁好出色，好似話係自家秘製，火喉亦啱啱好。豉油王蝦、蟹肉節瓜勁新鮮。即使食到最後既炒飯同甜品都一啲都唔Hea。聽得出廚師對餸菜既執着同熱誠。員工細心，地方乾淨。絕對值得推介！下次要試下其他菜式。