花見日本料理 (Moved) New Location

上個月慶祝生日，去左食午餐時段的omakasa，數埋應該有三個和食同10件壽司咁上下，人均1500，但最後食曬係餓住走。比到一個人1500，個師傅無好似其他舖頭咁介紹下食材或者傾下計，每次放底舊野講係咩就完，全程0交流，我認真未食過咁概omakasa 。食材好普通，大部份都食唔到個原味，最嚴重係件蝦壽司，落左勁多蝦縠粉，食落去完全得一種火燒概味道，蝦概甜完全食唔出，蝦膏個純同濃都被覆蓋，我見隻蝦係新鮮，但調味令佢失去應有概味道。另外一個和食蟹肉混蟹膏，食到我想吐，好腥，完全唔知食緊咩。臨尾連玉子都無，比碗蟹湯我地，重問加唔加烏冬，其實都食到心灰意冷，餓都唔想食佢。壽司味道係正常概，但份量都較細，味道都唔特出，完全對唔住個價錢，唯一可取係外面概侍應真心好服務，我唔明佢概好評話性價比高係點來，可能每個人食個場感受都唔同，或者要求唔一樣，個人感受只可以話食一次都覺得對唔住自己返工搵錢。