吉列牛忌廉烏冬專門店 (彌敦道) (Closed)

吉列牛忌廉烏冬專門店喺香港有兩間分店，分別喺銅鑼灣同埋旺角，地點方便👍🏻今次我去咗旺角分店，就喺彌敦道726號嘅17樓，喺地鐵站行過去都唔使5分鐘🤗店舖都幾大，卡位旁邊有大嘅落地玻璃窗，採光度高，感覺簡潔明亮，好舒服☺️呢度嘅吉列牛同埋咖喱忌廉烏冬，一直好受歡迎，一場嚟到，我當然要食啦😆另外仲叫咗份小食雞翼。吉列牛自己動手燒熱，我鍾意呢種做法，可以因應自己喜好處理個生熟程度😍燒起上嚟好香，食落去同樣香口軟稔，滿意👍🏻套餐會配埋湯同前菜，仲有飯素飯，好惹味🍚而咖喱忌廉烏冬推薦大家必叫，咖喱味道好香濃，加咗忌廉落去好滑，配埋烏冬煙韌嘅口感，係多重享受啊🥹入面仲有牛肉同洋蔥㗎。雞翼有幾款口味揀，我哋叫咗牛油蜜糖單骨雞翼🐔仲加咗檸檬，所以食落去效果好清新，單骨雞翼勁容易食，懶人恩物。