牛摩 (都會駅)

Open Now

Now Closed

前排同一位同事推薦呢間位於調景嶺嘅牛肉火鍋放題，話呢度性價比好高喎，一於黎試下啦！餐廳位於大型商場入面，搭地鐵去非常方便。餐廳裝修整潔，店員工作勤快。呢度有個好企理嘅自助火鍋料區域，可以自己夾丸類、菜類、菇類、豆腐、麵等，食材頗新鮮。醬料區都係全自助嘅！湯底選擇好多，除左好多火鍋餐廳都有嘅清湯、麻辣等湯底之外，呢度亦有比較特色嘅選擇，例如我地當晚選擇嘅「博多美人骨膠原啫喱雞白湯」同埋「關東風壽喜燒」。我地當晚食嘅係$199嘅「美國特選牛肩胛」套餐，牛肩胛脂肪分布均勻，牛味十足，而且切得啱啱好，唔會太厚或者太薄，所以口感好好。除左牛肩胛之外，亦可以無限encore羊卷肉、雞腿肉、豚肉等。我特別鍾意羊卷肉，因為好新鮮好juicy！飲品方面，鍾意飲啤酒嘅可以加錢order，我地當晚就無飲啤酒，因為樽裝綠茶、可樂等已經夠曬。甜品方面，呢度嘅雪糕係好高質嘅，好彩有留肚食。