Video
Read full review
2024-10-12
130 views
📍呢間位於銅鑼灣嘅【重房】，選用嘅食材大部份都係日本直送，非常新鮮，而店內日系風格嘅裝修加上安靜嘅環境，亦令人一行入去心情就已經好放鬆😋今次我地就點咗佢地嘅12-13品廚師發辦$598 set 試試佢啦🦀蟹肉冷菠菜配蟹肉茶碗蒸一道看似簡單嘅冷菠菜，裡面有金菇+菠菜+蟹肉，食落鮮甜美味，一啲都唔簡單，而個茶碗蒸裡面就有蝦肉+蟹肉，食落蛋味濃郁，滑嫩非常🦪北海道仙鳳趾生蠔 既肥美又飽滿嘅生蠔配埋佐醋啫喱+柚子醋+三文魚籽，海水味重，口感清甜之餘又清新🐠東京灣梳子魚 梳子魚皮下脂肪比較多，燒過之後口感更加香口，再加埋柚子胡椒，清新嘅柚子配香辣嘅胡椒，入口香口之餘，味道豐富🐟吞拿魚大腹大腹比較多筋，所以師傅燒斷啲筋之後，口感香口好多亦無咁韌，再用紫菜包住嚟食，切合返香港人口味🍽磯煮鮑魚經過慢煮再醃製咗一日嘅磯煮鮑魚，夠哂入味，爽口嘅鮑魚配埋鮑魚肝汁，每一啖都鮮味無窮，香濃又有層次 🐟燒馬友配柚子醋外脆內嫩嘅馬友肉質鮮美，魚肉結實，配埋柚子醋，解膩又清新🐠深海池魚（腹部位置）深海池魚肉質鮮嫩肥美，口感嫩滑，師傅話平時食刺身都講求即日新鮮，即到即食，但呢款刺身就需要放置一星期，原因係因為需要配搭埋
📍呢間位於銅鑼灣嘅【重房】，選用嘅食材大部份都係日本直送，非常新鮮，而店內日系風格嘅裝修加上安靜嘅環境，亦令人一行入去心情就已經好放鬆
😋今次我地就點咗佢地嘅12-13品廚師發辦$598 set 試試佢啦
🦀蟹肉冷菠菜配蟹肉茶碗蒸
一道看似簡單嘅冷菠菜，裡面有金菇+菠菜+蟹肉，食落鮮甜美味，一啲都唔簡單，而個茶碗蒸裡面就有蝦肉+蟹肉，食落蛋味濃郁，滑嫩非常
🦪北海道仙鳳趾生蠔
既肥美又飽滿嘅生蠔配埋佐醋啫喱+柚子醋+三文魚籽，海水味重，口感清甜之餘又清新
🐠東京灣梳子魚
梳子魚皮下脂肪比較多，燒過之後口感更加香口，再加埋柚子胡椒，清新嘅柚子配香辣嘅胡椒，入口香口之餘，味道豐富
🐟吞拿魚大腹
大腹比較多筋，所以師傅燒斷啲筋之後，口感香口好多亦無咁韌，再用紫菜包住嚟食，切合返香港人口味
🍽磯煮鮑魚
經過慢煮再醃製咗一日嘅磯煮鮑魚，夠哂入味，爽口嘅鮑魚配埋鮑魚肝汁，每一啖都鮮味無窮，香濃又有層次
🐟燒馬友配柚子醋
外脆內嫩嘅馬友肉質鮮美，魚肉結實，配埋柚子醋，解膩又清新
🐠深海池魚（腹部位置）
深海池魚肉質鮮嫩肥美，口感嫩滑，師傅話平時食刺身都講求即日新鮮，即到即食，但呢款刺身就需要放置一星期，原因係因為需要配搭埋壽司醋飯飯，所以講究就會多啲啦
🦐鬚長蝦
用昆布湯醃左一晚嘅鬚長蝦，肉質細綿，口感鮮甜黏口
🍣筋子
鱒魚嘅魚籽比三文魚籽更幼更滑，口感黏性亦更加強，而且仲帶有淡淡嘅海水咸香味，配埋柚子皮，令成個口感更清香之餘，每粒筋子係口裡面爆開嘅時候，仲好過癮添
🐟煙燻平政魚
用網燒香咗嘅平政魚，魚味濃郁，肉質結實肥嫩，口感清甜，配搭上面有少許辣嘅北海道麵子醬，口感更豐富
🐟秋刀魚配薑蓉
甘甜獨特嘅秋刀魚，魚油芳香，豐腴肥美，非常有質感
🍣北河道白海膽壽司
奶黃色嘅北海道嘅白海膽嫩滑又夠水份，味道濃郁鮮甜，食落仲帶有淡淡哋嘅海水味，無馬糞海膽咁濃烈
🍜清湯烏冬
幼滑嘅烏冬彈牙爽口，好味到連湯都飲埋
🍡日式蕨餅
以日本好岀名嘅蕨餅作為結尾，煙靭彈牙嘅口感為呢餐畫上圓滿嘅句號
🤤越講越想再食多次，下次要再去試吓其他先❤️❤️
Post
