相馬日式火鍋 (Closed)

今日去咗火炭開工，收工同事話不如一齊去食火鍋於是就去左呢間環境幾乾淨闊落嘅火鍋，最鍾意就係呢度可以一人一鍋洗爭食，又衛生啲(我地一人揀左一款湯底、一個係番茄湯底，一個係豚骨湯底)，前者好鮮甜酸酸甜甜好開胃，後者就好濃🐷味咁難得見到有大閘蟹放題梗係要來試吓啦，啲蟹都算有幾多膏yummy😋日本鹿兒島黑豚肉好靚，好似人地去壽喜燒果D靚肉，豬肉🐷味好重又有咬口，鍾意肉味重既話必食👍🏽海鮮就有七款咁多，包括大頭蝦、虎蝦、廣島蠔、青口、日本帶子蜆，蟹棒，首先不得不提佢哋啲蝦🦐真係好新鮮，拎到出嚟隻腳仔仲郁緊，肉質亦爽脆彈牙食得出鮮味🤤豚骨湯底好濃味😋直頭啲肉淥完之後唔需要點醬油都好好味😋😋😋我想食清小小，所以就揀左個健康啲嘅番茄🍅湯底，番茄味都幾濃，見到湯底都真係有番茄，清清地又唔會蓋過啲肉味，打邊爐必食呢個湯底我哋已經約定下口次再嚟食過真係食過返尋味😋