一浩 (Closed)

今日同朋友行完黃金海岸，之後經過商場見到有間日本野，喺門口望入去見到環境唔錯就入去試下，入到去個感覺好大好舒服冇逼既感覺，每個位都好闊落，個氣氛都好好。坐低左之後我哋三個人先叫咗啲小食，首先燒鱈魚乾十分有驚喜，本身以為係一塊普通魚乾，點知原來燒到好似薯片咁脆，仲要好有鮮味，值得推薦。然後叫咗幾份串燒，味道都好好，特別一提牛舌串真係好好食，仲要牛舌超厚，入口即溶，真係好難忘！然後叫咗份天婦羅，味道不錯，最重要炸都唔乾身，野菜嘅味道都保留到。朋友叫咗個野菜烏冬，特別一提湯底真係好清甜好好味，一啲都唔油膩。重點來了，我地叫咗份雜錦刺身，一上枱我哋都嘩咗聲，因為每件刺身都好厚，食落好新鮮，三文魚同蝦都好甜，真係物超所值。另外，我哋都叫咗酒水，價錢合理，值得一提佢有個吧位，真係好靚，影相一流。我哋三個人都只係食咗千幾蚊，雖然話唔係好平，但係我覺得性價比好高值得一試。