Video
Read full review
2023-05-27
26 views
💁♀️💁♂️ 18/5/2023(Thu), Dinner🍽今晚又去到💁♀️為食妙妙公司附近搵食，聽說有間任食雞煲既餐廳性價比好高🤩🤩🤩，只係$138就可以任食任飲😱😱😱😱。餐廳環境都整潔，坐得都好舒服，最重要係冷氣充足，食雞煲同火鍋🍲都唔怕熱。而今晚我地order咗：🔆 任食雞煲（1.5小時）（$138）入座之後侍應會問你幾辣，我地今次都係選擇中辣。落完單就可以隔住塊大玻璃見到廚師🧑🍳喺廚房炮製我地既雞煲。同時間我地就睇睇飲品櫃同配料櫃有咩食同飲，拎定啲飲品準備食雞先。飲品選擇都唔少，主要都係罐裝既啤酒🍻、汽水同茶類等等，總有一款岩你飲。另外都有支裝啤酒🍻，但就唔包括喺任食入面。配料方面都唔少，主要既菜類、丸類、菇🍄類、枝竹、蘿蔔、豬皮、粟米🌽、薯仔🥔、年糕、麵、烏冬等等都有。雖然就無肥牛，但都有牛肉片同豬肉片，入口都唔差。講返雞煲，上枱時份量都唔少，除咗嫩滑既雞件之外，仲有大量紫洋蔥🧅、芫荽等香料。首先食咗個雞煲先，醬汁味道香濃，雞肉嫩滑，中辣食起來夠香口惹味。之後再加湯打邊爐🍲，上湯再加埋雞煲既醬汁，已經係一個好夠味又惹味既湯底。呢個時候放啲吸味既配料去烚一烚，等佢地吸收咗湯底
💁♀️💁♂️ 18/5/2023(Thu), Dinner🍽
今晚又去到💁♀️為食妙妙公司附近搵食，聽說有間任食雞煲既餐廳性價比好高🤩🤩🤩，只係$138就可以任食任飲😱😱😱😱。餐廳環境都整潔，坐得都好舒服，最重要係冷氣充足，食雞煲同火鍋🍲都唔怕熱。
而今晚我地order咗：
🔆 任食雞煲（1.5小時）（$138）
入座之後侍應會問你幾辣，我地今次都係選擇中辣。落完單就可以隔住塊大玻璃見到廚師🧑🍳喺廚房炮製我地既雞煲。同時間我地就睇睇飲品櫃同配料櫃有咩食同飲，拎定啲飲品準備食雞先。
飲品選擇都唔少，主要都係罐裝既啤酒🍻、汽水同茶類等等，總有一款岩你飲。另外都有支裝啤酒🍻，但就唔包括喺任食入面。
配料方面都唔少，主要既菜類、丸類、菇🍄類、枝竹、蘿蔔、豬皮、粟米🌽、薯仔🥔、年糕、麵、烏冬等等都有。雖然就無肥牛，但都有牛肉片同豬肉片，入口都唔差。
講返雞煲，上枱時份量都唔少，除咗嫩滑既雞件之外，仲有大量紫洋蔥🧅、芫荽等香料。首先食咗個雞煲先，醬汁味道香濃，雞肉嫩滑，中辣食起來夠香口惹味。之後再加湯打邊爐🍲，上湯再加埋雞煲既醬汁，已經係一個好夠味又惹味既湯底。呢個時候放啲吸味既配料去烚一烚，等佢地吸收咗湯底既味道之後，又係十分吸引，特別係粟米🌽、蘿蔔同枝竹。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：9/🔟
❤🙆♀️(為食妙妙)整體食評：9.5/🔟
👉🏻 基本上有一個半鐘既時間任飲任食，係足夠食到飽既，仲要只係$138，性價比極高👍🏻。
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 泊車方面可能要考慮和富中心🅿️或者北角匯🅿️
👉🏻 北角站行過嚟都係十多分鐘左右路程，亦可選擇電車或者巴士，交通尚算方便
🔆🔆🔆🔆🔆🔆🔆🔆🔆🔆🔆🔆🔆
Post
