鳥海山鐵板燒 (Moved) New Location

我哋一行6人叫咗3個鳥海山鐵板餐(二人前)～個套餐包括有：是日精選刺身、沙律、活龍蝦、活鮑魚、鵝肝多士、牛肉薄燒、野菜、炒飯、味噌湯，個餐絕對夠食，份量好足！不過我哋就貪心想試多啲嘢，額外加咗活赤貝刺身、白鱔同特大虎蝦(真係有手臂咁長😳)，條鱔超爽彈，廚師仲起咗塊皮分開煎脆👍🏻；特大虎蝦味鮮、肉彈，一隻都夠我哋6個人分😆至於套餐嘅嘢食大致上都有水準，唯獨係個「鵝肝多士」表面太厚粉，一嚟口感唔好，二嚟粉味遮咗啲鵝肝味，扣咗啲分🥲-咁嘅價位又咁多嘢食真係好抵，不過環境上就冇啲貴價鐵板燒餐廳咁靚同寬敞㗎啦，而且得Bar枱可以睇到鐵板燒位置，座位數量唔多㗎！餐廳做到月中（1月14號）就結業啦，有興趣嘅就快啲把握時間去食喇！😳