Video
Read full review
2023-02-26
1741 views
成日都覺得Omakase 係好貴，今日比我發現咗間性價比高嘅Omakase，好驚喜！而且又好吃~ 「鮨政™ x 大湖清酒」，理念是成為年輕人的第一次 OMAKASE 體驗，餐牌中最便宜的「廚師發辦八貫壽司定食」，只需 $198 即可品嚐多款江戶前手握壽司、前菜、湯品及甜品，非常豐富。店子就喺銅鑼灣Fashion Walk，很有日式風格，一進去就是一排椅子，可以看着師傅製作美食，內裏位置不多，想吃的必須要訂位。我今晚吃的是「鮨政™ x 大湖清酒」最矜貴的 $498 OMAKASE 套餐另外仲配搭埋大湖清酒，客人可以選擇$198 配搭四款清酒，或者$298配搭六款清酒。先來第一杯酒 #大湖大吟釀味道淡花香，不算很濃烈，可以突顯之後吃刺身的鮮味。#茶碗蒸前菜是茶碗蒸及水雲醋物，內有日本高糖蕃茄，酸酸的令人很開胃，茶碗蒸口感滑溜而且附有蟹肉。#磯煮鮑魚用漂亮的玻璃容器盛載，加入煙燻香氣，一打開蓋子煙霧離漫，很有特色。鮑魚爽彈而且鮮甜，鮑魚醬混上壽司飯，味道好濃郁。#甘鯛立鱗燒 師傅以似煎、又似炸的方式將熱油來回淋在魚鱗上，魚鱗直挺挺的站立起來好香脆，配埋個蛋黃醬，魚肉軟嫩好有味覺享受。#刺身三
成日都覺得Omakase 係好貴，今日比我發現咗間性價比高嘅Omakase，好驚喜！而且又好吃~
「鮨政™ x 大湖清酒」，理念是成為年輕人的第一次 OMAKASE 體驗，餐牌中最便宜的「廚師發辦八貫壽司定食」，只需 $198 即可品嚐多款江戶前手握壽司、前菜、湯品及甜品，非常豐富。
店子就喺銅鑼灣Fashion Walk，很有日式風格，一進去就是一排椅子，可以看着師傅製作美食，內裏位置不多，想吃的必須要訂位。
我今晚吃的是「鮨政™ x 大湖清酒」最矜貴的 $498 OMAKASE 套餐
另外仲配搭埋大湖清酒，客人可以選擇$198 配搭四款清酒，或者$298配搭六款清酒。
先來第一杯酒 #大湖大吟釀
味道淡花香，不算很濃烈，可以突顯之後吃刺身的鮮味。
#茶碗蒸
前菜是茶碗蒸及水雲醋物，內有日本高糖蕃茄，酸酸的令人很開胃，茶碗蒸口感滑溜而且附有蟹肉。
#磯煮鮑魚
用漂亮的玻璃容器盛載，加入煙燻香氣，一打開蓋子煙霧離漫，很有特色。
鮑魚爽彈而且鮮甜，鮑魚醬混上壽司飯，味道好濃郁。
#甘鯛立鱗燒
師傅以似煎、又似炸的方式將熱油來回淋在魚鱗上，魚鱗直挺挺的站立起來好香脆，配埋個蛋黃醬，魚肉軟嫩好有味覺享受。
#刺身三款
#日本北海道兵庫縣室津真蠔、 #大拖羅 及 #北海道帆立貝
真蠔好大隻好肥美，有海水鮮味，加入酸汁啫喱及柚子皮，令味道清新開胃。
帆立貝好新鮮，而且鮮甜。
大拖羅油脂分布均勻，入口即溶的感覺，非常肥美。
.
.
第二款酒是 #大湖純米大吟釀
師傅話用咗16個月釀製，入口果味較重，好適合配壽司飲用。
#真鯛壽司
壽司醋採用日本江户前赤醋，主理廚師混合不同種類的赤醋，加上悉心調配的糖鹽比例祕方，壽司醋不太甜，不太鹹。
真鯛肉質柔軟而且甘甜，油份不多。
#伊佐木壽司
味道鮮甜彈牙
#深海池魚壽司
深海池魚肉質緊緻，油脂豐厚，而且魚油甘香，質感爽脆。
#炙燒鰈魚裙邊 （右口魚）
師傅用火槍炙燒，可以看到好多魚油，入口好有魚油香。
.
.
第三款酒係: #大湖特別純米酒
師傅話呢款喺英國拎過獎，飲落有純正米味，有微微的蕉味同奶味。
#炙燒海鰻
鰻魚燒完之後，再加上蒲燒汁，吃到海鰻的細膩。
#紫蘇文甲魷魚壽司
文甲魷魚肉質爽脆，配上紫蘇葉，令到味道更加特別。
#赤貝壽司
好爽口及新鮮
.
.
#大湖特別純米酒 （生原酒）
經過無碳過濾，可以更加飲到米嘅鮮味，飲落味道好厚身，而且酒精有18%，配上接着濃味的壽司好適合。
#飄雪紅酒鵝肝吞拿魚壽司
先將鵝肝加入紅酒慢煮 3 小時，再於 -70℃ 的低温下冷藏，吞拿魚選用赤身位置，脂肪含量較低，魚味較濃，鵝肝刨碎鋪滿吞拿魚表面，食落去嘅質地好似雪糕咁 creamy，仲食到酒香，同埋鵝肝嘅香氣，完全係好有驚喜！
.
下一款酒: #大湖本釀造
稱為地酒，帶有honey 味，飲落去都好爽身
#三色杯
三色杯加入 #北海道浜中小川馬糞海膽 ，飽滿肥美，帶濃郁海膽味而且味道鮮甜，仲有長崎縣出產嘅大拖羅蓉，以及自家製醬油漬的三文魚籽，非常豐富。
湯物
濃湯奶白色，有香甜嘅鮮魚味，非常鮮甜。
最後係 #大湖梅酒
呢款酒係自己種所以無添加，每年只生產5000枝，酸度同甜度剛剛好，好好飲呢
#飛雪鵝肝芝士豆腐
食埋呢個甜品，好嫩滑，芝士味香濃，超滿足
原來呢度午餐跟晚餐的定價係相同，真係非常抵吃！最正莫過於一面飲酒，一面品嚐壽司刺身，過咗一個愉快嘅晚上~
Post
