築地日本料理 (結志街) (Closed)

之前有朋友介紹上環築地CP值好高，餐廳用料非常新鮮，採用日本上乘嘅食材，而且環境舒適，整個格調都用木材質，令客人有家的感覺，結果果真如是，絕對係令人想翻尋味既日式飯堂，職員亦都非常友善，仲話比我地知邊到有得泊車因為我地唔熟路😂👍我同朋友分別叫左個午市套餐，我揀左極尚三色丼定食，包括油甘魚，三文魚同帆立貝刺身，油甘魚同三文魚厚切，非常肥美，脂肪魚肉比例分佈平均，見到好靚既魚紋，證明師傅手勢好，帆立貝大大粒，沾芥末一流，仲有甜蛋子薑等做配菜👍朋友叫左築地特選壽司盛8貫，由廚師揀選當日時令食材安排，壽司飯size、醋飯調味都恰好，飯粒用左我最中意食既珍珠米，較普通飯粒有咬口，北寄貝好大塊，食到淡淡既甜味，拖羅肉質鮮嫩，黑松露帶子都不得不提，少少既黑松露味，配帶子既鮮甜，簡單但完美既配搭，大甜蝦更加係出色，8件壽司，每啖都係滿滿既幸福感👍味噌湯好飲，平時最驚會好鹹，飲完好口渴，呢到既味噌湯則完全無呢個情況，另外冷麵烏冬非常有口感，冷麵汁好味到我都想問廚師點調配，想買返支返屋企自私食😂