蠔王 (Closed)

今日晏就同媽咪一齊懲罰左一間餐廳。一入到去，原來已經full booking哂, 但老闆好好人照叫我地入去食，食完個main course後, 為食既我仲想食多個甜品，但驚阻住之後book 左枱既客人，就問老闆可唔可以加單，老闆好窩心咁答當然可以，仲叫我地慢慢食🤗🤗講返食物質素，又係另一個驚喜，無論牛扒定羊扒，啲肉都好Juicy, 而羊扒一啲都唔騷，牛扒就俾到我一口即溶既感覺，喜歡既話，可以點啲海鹽再食，令到味道再提升多一點。其實依間餐廳係專食生蠔，餐枱上既餐紙都好仔細咁介紹左唔同蠔既特性，依點又反映左老闆專業既一面。總括而言，食物質素高，服務又好好，連性價比都一流，下次一定會再幫襯，試下啲生蠔。香港人，加油💪