川婆婆 (金馬倫道)

Open Now

Now Closed

以前好鍾意買厚福街後面嗰間外賣川婆婆，見到開咗呢間可以堂食已經成日心郁郁好想食！餐廳座位唔算多，不過都算係坐得舒服一個人食嘅座位面向牆，自己食都完全唔尷尬，仲可以坐低慢慢食餐牌比起之前外賣嗰個舖頭多咗好多選擇，除咗車仔麵，仲有酸菜魚同埋水煮牛肉等等今次一個人食揀咗酸菜魚🫶🏻揀咗小辣本身已經有寬粉係入面，寬粉絕對係酸菜魚嘅靈魂之一😂佢嘅寬粉算係滑身果隻、都好有咬口，好食既，不過我個人喜好鍾意再厚實少少嗰隻質感佢嘅魚好滑，做得好好，係真滑果隻滑，唔似落左好多生粉格眼整到佢好似好滑嗰隻！抵讚！份量亦都幾多🫶🏻湯底唔會過咸，但食完都係有啲口渴，不過食咗酸菜魚其實都預咗😝都算幾出色，會再幫襯🥰