川婆婆 (金馬倫道)

Open Now

Now Closed

每樣餸都得好少，碗麵黎到時以為比少咗餸，豬紅得三少嚿，魚蛋兩粒。食完個三餸麵都唔夠胞，要再加小食。其實價錢都唔平，個三餸麵都要成元，計埋飲品同小食，成百銀落樓。就算租貴都唔好偷工減料，肯比成百銀食個車仔麵，都食唔飽，咁係好趕客。衛生和裝修是可以的，味道嘛，雖不及觀塘間川婆婆，但麵的味道尚可，點知個小食土豆絲頗難食。因為鍾意食觀塘間川婆婆，所以黎開尖沙咀先黎呢間食，點知令人頗為失望，食完冇下次，尖沙咀選擇多，不用選這間。一

經過尖沙咀見到車仔麵，就入去試試，不過由入店就算有位職員係門口收銀櫃檯，都係冇招呼，坐埋枱，每一個位置都有個QR CODE 點嘢食，餐單價錢偏貴，都冇所謂因在尖沙咀，當職員送食物時，只放在我旁邊，一句說話都冇說，如果唔係隔離個位食客已食緊，都唔知攞唔攞好。車仔麵點其中點咗一份價值12元的魷魚鬚，但係要食都最後先見到三條好幼，長度像手指尾咁長的魷魚鬚，豆腐卜好似有六舊，但係其實得三個，因為係一個起雙飛。埋單時，雖然有職員收錢，但靜音，係好似自助咁，價錢提示，多謝⋯等欠奉。總括黎講就算食物質素有幾高都不會再去，可况味道只算一般。 不是要求五星級服務同食材，但是基本同價錢要成比例。

酸菜魚薯粉 少油 bb辣 ＄68作為68蚊的酸菜魚，性價比真心高如圖所見，魚片有起碼12塊，配菜有海帶，芽菜，豆皮，娃娃菜和粗薯粉。即使在不加其他配菜的情況下，吃到超級飽，小胃的女生甚至連粉都不用吃就飽了。湯底不會過酸，辣度對不太能吃辣的叫bb辣就很足夠了，但湯頭偏油，一定要點少油，不然就能撇一碗油。總體來說，對於喺香港食午餐和晚餐來說68蚊有咁多塊魚片嘅酸菜魚已經覺得好滿足。回訪指數：💛💛💛💛

一直都食開依間，基本上一個禮拜都要三四日！小辣中辣都食過。 但今日叫依間外賣嗰陣，嗌左小辣。之後滿心歡喜諗住食點知辣嘅程度係完全食唔到，個程度係勁過中辣，懷疑餐廳出餐錯誤，比錯咗辣。事後去搵返餐廳，點知得到嘅回應就係我哋餐廳不嬲係比較偏辣，加已經出咗餐，冇得退換。我心諗我唔係第一次食你哋餐廳，今次係辣到我完全食唔到，平時食中辣我都冇問題。之後餐廳強調自己冇錯，冇諗過餐廳係咁樣對待長期客戶。 唔會再去幫襯了，平時食小辣同食唔到辣既人自己睇住拉！ 餐廳係唔會理會客人感受！

路過見到想食車仔面，叫左幾個餸，萵荀：大廚刀工好好，薄到透光，份量唔係好多，得幾塊豬肉卷：幾好味，但唔係卷，應該話本身係一條卷，比大廚切到2mm咁薄，仲要得2-3塊，好似食張塊memo紙咁輕盈手打魚蛋：一粒中size魚蛋切開3份，係好味嘅，但加埋只有一粒每樣餸大約10蚊左右，我唔介意比多少少，但好介意出黎個餸嘅份量咁細，，情願老闆加價，可能今日比較肚餓，食完好似冇食咁，本身好少好少寫食評，但實在是很慨嘆食水咁深嘅店，車仔面，難道要叫到100蚊先飽？！冇諗過咁少份量，以為d餸响底，所以冇影相，想經歷下嘅可以一試。

好耐冇食啦，期待再食返，特登出尖沙咀購買。怎料到……. 現在無辣粉，BB辣 現在是= 不辣。原本有朋友告知 川婆婆已經不是之前的味道 現在難吃！我不信 還跑去買。最後 更是吃不下🤦🏽‍♀️

喺尖沙咀做facial 前，搵d 野食，想食紅薯粉🤩 就試下呢間店。座位不多，不過乾淨新淨，有bar 枱比一人食客坐住唔洗搭枱，每個座位枱下面有個籃，好小既事但好貼心，可以放手袋入籃，唔洗擺個袋喺凳，坐到咁迫。手機落單，搭左自選麵食，至少要揀3餸，我揀左鴨血，蓮藕同椒麻墨魚嘴。湯底揀酸菜金湯，紅薯幼粉。可能揀左金湯，有d 咸鴨血同蓮藕都幾好食，係椒麻墨魚嘴嘛地😢平日午餐時間都唔算多人食呢間，唔洗排隊，又可以慢慢食。

平時冇時間返大陸嘅時候又想食辣嘢就會去川婆婆度食以前想搵間新鮮肥腸都唔用易重要係好食嘅💕每次想食辣野我到會諗到川婆婆辣得夠過忍豬腸夠乾淨魚片都好爽口（不過就唔係新鮮）價錢都好合理水煮豬腸酸菜魚米線$100

之前去尖沙嘴經過見到就試試，本身都鍾意食少辣米線🍜第一次試食後真唔推薦！😆啱好下午食左個下午茶，58蚊肥腸鴨血米線🍜➕荔枝檸檬茶？味道中規中矩，還好吧。但是只有三角形鴨血3舊，豆腐串一串，少少酸菜。肥腸太細塊太少啦，就係你見既咁少。一小塊6舊吧？58蚊呀！唔使咁孤寒🤣哈哈！食完我係飽既，米線多點啊嘛。我唔會再去食，唔抵！性價比低！隔離條街食桂林米粉，人地份量唔少。我係旺角食肥腸面➕小食➕小冰粉才48蚊起。香港好多四川湘菜風味，再去試下其他。

其實味道可以接受的，個葯材雞湯底都叫有葯材味但十五蚊一份牛腩，只係有四粒，係粒唔係片！四粒加埋，大約有正常牛腩河一片牛腩嘅大小！十五蚊豬大腸，又係四粒！應該係香港第一次見到咁細件嘅豬腸十五蚊尤魚鬚，四小條雲吞忘記幾多錢，兩粒！一般般，食肥仔記好食好多成碗嘅七十幾蚊我唔介意七八十蚊食碗車仔面！但都真係好過份！望下其他客人果碗，可能佢地點比較多蔬菜類，碗麵睇上黎俾我果碗好睇好多！尖沙咀中午一點都只係坐一半！證明唔係我一個人覺得有問題

重新開工後，我又開始到市區覓食🍽️。今日就黎到呢間川味餐廳，佢簡單迷人的氣氛，同質量一流的食品，絕對係我黎呢間餐廳嘅原因😋。酸菜金湯肥牛粉💙今次選嘅係酸菜金湯肥牛粉，肥牛分量足，鮮嫩可口，酸菜同金湯搭配得啱啱好，再有粉絲嘅滑潤，每條粉絲都吸足湯汁，風味絕佳，簡直就係冬日暖心之選❤️‍🔥。招牌麻辣湯底寬粉💙玉子豆腐，芝士腸，鮮蝦雲吞湯底微辣，完全喺掌握中，寬粉滑溜，玉子豆腐滑蛋質感，芝士腸香脆可口，配上鮮蝦雲吞。尖沙咀呢間餐廳，價錢公道，環境整潔，係一個好去處。👍🏻🥰

💖 酸菜魚（配有大豆芽，娃娃菜，海帶絲，豆皮，寬粉）湯底鮮美湯色紅濃，一喝就能感受到濃郁的酸菜與鮮魚之間的完美結合，入面包左果個大豆芽吸晒d湯，超好食，同埋本身最鍾意食豆皮，同個湯真係好夾，酸酸辣辣😋！然後必食💖 招牌麻辣湯底，粉絲，蟹籽丸，肥牛，金針菇車仔麵餐廳的招牌麻辣湯底，口味濃郁，辣而不燥🌶️。配料豐富，粉絲Q滑，蟹籽丸，肥牛，金針菇，飽飽luuuuuuu最後呢💖涼拌萵筍清新的萵筍配上店家調製的特調醬，清新爽口，既可以做開胃菜，也能解膩，好一道美味涼菜!環境、服務、美食，全部一流👏🏻！要向朋友推薦呢間美食餐廳💛!

通常我地食飯會想揾間環境舒適嘅餐廳，不過今次我選擇咗走入額簡單的環境，卻令我驚喜連連嘅港式車仔麵餐廳。首先，我就點咗個個人都幾鍾意嘅醉香雞湯，一打開個蓋，雞湯的香氣立刻撲鼻而來，濃郁嘅香味令人忍不住一試。隨後食落口嘅烏冬面同厚切午餐肉，都令人味覺驚艷😍厚切午餐肉咬落去有彈性，配上軟滑嘅烏冬，真係一絕🥰 牛柏葉嘅油脂分布均勻，令湯底變得更為濃郁。其次，涼拌萵筍，據店家講，係用上咗最新鮮嘅材料，炮製得非常得體。配上一點點辣椒，經過特別的調配，味道清爽開胃，食過不能忘😋雖然環境簡單，但食物的創新和質素都非常之高。食物選擇多樣化，由湯品到涼菜，每一道都可以找到精緻的細節。揮灑創意的烹飪技巧，不僅令每道料理都鮮美可口，更讓人有一種舌尖上的幸福感。👍😊如果你亦好鍾意食車仔麵，又想感受新口味的話，都好適合嚟呢度一試。😉👌

今日第一次食 買外賣自取返屋企 叫咗麻辣中辣寬粉($22)+蘿蔔($8)+牛腩($15)+炸豬扒$(15) 返到去打開個盒o咗個嘴😓得3舊仔牛腩(2大1細)寫到明係靚牛腩啫 加咗15蚊都唔係呢個份量啊嘛😅味道正常 肉質偏瘦有啲柴 似煮得唔夠耐 寛粉勁淋一啲咬口都冇 完全唔似係薯粉 未食過咁難食嘅 已經叫咗分湯 好心就換過批貨啦 份量又係勁少 半兜都冇😑正餐嚟講冇可能食得飽 湯底第一啖食落唔錯 夠濃夠惹味 麻同辣都夠 但係食食下就覺得太咸同埋太重味精 要一路食一路飲嘢 食完勁口渴 蘿蔔又係得3舊仔(1大2細)好彩都幾好食 夠淋同埋冇渣 豬扒拎到返嚟淋咗 不過味道唔錯 調味都係偏咸 重香茅味幾香口 但係痴咗啲燶咗嘅香茅係底😅份量正常 有一塊完整嘅 總結60蚊食呢碗麵完全唔值又食唔飽 唔知係咪外賣所以份量咁少😓唯一值得一贊嘅係男店員幾有禮貌😄本來見到咁多好評滿心期待😅點知換嚟嘅係失望 希望老闆見到呢篇文會好好改善分店食物質素同份量啦 唔係都好難會再幫襯

呢間簡單嘅車仔麵餐廳，我覺得好舒服，好似走進咗香港人嘅日常生活。🔴酸菜金湯肥牛粉🔴湯底醇厚而又清甜，湯裏面嘅酸菜同肥牛，味道絕配，食到我成日都想多講幾句讚賞之辭。而且，佢用上嘅肥牛質感柔嫩，酸菜帶出咗金湯嘅滋味，絕對喺一道身心滿足嘅料理😋。🔴酸辣湯底米線🔴係我食過最震撼嘅一碗。湯底既酸又辣，食得開胃又解渴，加入嘅蓮藕，雞翼尖同埋魷魚鬚，每一種食材都烹調得剛剛好，俾人一種莫名嘅幸福感💕。🔴麻辣風琴豆腐🔴優質豆腐切成風琴狀，湯底夠麻夠辣，食落去就感覺有種美妙嘅香辣滲漏心扉的感覺，讓人停不下來😍。無論你係邊種口味，喺呢度總可以尋找到你嘅最愛。因為嗰心情就好似返咗香港街頭，食住呢啲有家鄉味道嘅美食。所有人都應該要嚟試一試，開開眼界，嚐嚐唔同嘅滋味🤤👍💯。如果你都係飲食愛好者，如果你都係想尋找一個有家鄉滋味嘅地方，呢間餐廳一定唔會令你失望。你一定要嚟試試佢哋食嘅車仔麵，味道真心真意🔝💕