Video
Read full review
2023-04-05
562 views
今日清明路經鑽石山站就見到邨入面有呢間麵包店，被佢店名吸引咗入去入去職員盡心介紹湯種即係無蛋、豬油製嘅麵包，適合隔日食素嘅我另外就提醒無防腐劑，今日買第二日早上食ok可以，但再擺耐啲就要記得雪入雪櫃保鮮。返到屋企食咗個雞尾包（唔好意思下午無食嘢等唔切影相得個吉袋）話係傳統手法做，好彩買到最後一個。裡面好香椰絲味，麵包軟身但有口感。$8，真係好抵比較平日連鎖麵包店。好奇買埋湯種黑芝麻餡麵包打算第二日返工食，試過好食會回頭。吞拿魚話唔係坊間用沙律醬撈，裡面有粟米同蔬菜🥬加埋腸仔包就比屋企人試。少少建議環保啲唔使每個麵包都用膠袋獨立包裝，咁就perfect 😊
入去職員盡心介紹湯種即係無蛋、豬油製嘅麵包，適合隔日食素嘅我
另外就提醒無防腐劑，今日買第二日早上食ok可以，但再擺耐啲就要記得雪入雪櫃保鮮。
返到屋企食咗個雞尾包（唔好意思下午無食嘢等唔切影相得個吉袋）話係傳統手法做，好彩買到最後一個。裡面好香椰絲味，麵包軟身但有口感。$8，真係好抵比較平日連鎖麵包店。
好奇買埋湯種黑芝麻餡麵包打算第二日返工食，試過好食會回頭。
吞拿魚話唔係坊間用沙律醬撈，裡面有粟米同蔬菜🥬加埋腸仔包就比屋企人試。
少少建議環保啲唔使每個麵包都用膠袋獨立包裝，咁就perfect 😊
$46
51 views
0 likes
0 comments
Post
